Frédéric Chopin
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
| Frédéric Chopin | |||
| |||
| Gebore | 1 miert 1810 | ||
| Gesjtorve | 17 oktober 1849 | ||
| Landj | Congres-Pole, Fraankriek | ||
| Sjtielperiood | romantiek | ||
| Belankrieke genres | pianomeziek | ||
| Invlood van | John Field, Maria Szymanowska, Franz Xaver Mozart, Johann Sebastian Bach, Ludwig van Beethoven, Wolfgang Amadeus Mozart, Robert Schumann | ||
| Invlood op | Franz Liszt, Sigismund Thalberg, Charles-Valentin Alkan, Edvard Grieg, Claude Debussy | ||
| Lies van componiste | |||
Frédéric-François Chopin (gebore es Fryderyk Franciszek Chopin; Żelazowa Wola, Pole, 1 miert 1810 - Paries, 17 oktober 1849) waor 'ne Poolse componis vaan veurnaomelek werke veur piano solo. Same mèt Franz Liszt weurt heer es eine vaan de groondlègkers vaan de romantische pianistiek en eine vaan de groetste pianiste vaan alle tije gezeen.
Leve
Chopin woort gebore es zoon vaan 'ne Franse vajer en 'n Poolse mojer. Al mèt 7 jaor begós heer te componere. In 1826 góng heer nao 't conservatorium in Warschau veur piano te studere. In 1831 vestigde heer ziech iers in Wene, later in Paries, boe heer naom maakde es componis en pianis vaan veural zien eige werk. Heer späölde väöl in salons en gaof veer oor per daag pianolès.
In de jaore daarteg begós heer aon tuberculose te lije, boeveur heer in de winter vaan 1838 tot 1839 op Mallorca verbleef same mèt de sjrijfster George Sand (pseudoniem vaan Amandine-Aurore-Lucile Dupin), die dao, op doktersadvies verbleef mèt häör twie kinder, boevan zoon Maurice reumatisch waor. Sinds 1836 had Chopin 'n relatie mèt häör. In de zomer woende ze in alle rös op 't landgood van Sand in Nohant in de Creuse.
Oondanks zien slechte gezoondheid bleef heer componere tot zienen doed op 17 oktober 1849. Heer ligk begraove op 't fameus Père Lachaise-kèrrekhof in Paries, meh zie hart woort op zien verzeuk ingemetseld in 'ne pileer vaan de kèrk vaan 't Heilig Kruus in Warschau.
Werke
Piano solo
- 4 ballades
- 1 barcarolle
- 1 berceuse
- 1 bolero
- 2 bourrées
- 3 écossaises
- 27 études
- 3 fantasieë (mèt Fantaisie-Impromptu en Polonaise-Fantaisie)
- 1 fuga
- 3 impromptus (zoonder Fantaisie-Impromptu)
- 58 mazurka's
- 21 nocturnes
- 1 polonaises (zoonder Polonaise-Fantaisie)
- 28 preludes
- 4 scherzi
- 3 sonates
- 19 walse
Piano en orkes
- 2 pianoconcerte
- Variaties op La ci darèm la mano vaan Wolfgang Amadeus Mozart
- Krakowiak (fantasie euver Poolse melodieë)
- Andante spianato
- Grande polonaise brillante
Aander werke
- 20 Poolstaolege leder, veur stum en piano
- Trio veur piano, cello en viool
- Sonate veur cello en piano
- 2 aander werke veur cello en piano
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.