Dakar
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Dakar (Wolof: Ndakaaru) is de hoofstad en groetste stad vaan Senegal. De stad zelf had bij de volkstèlling vaan 2023 1.278.469 inwoeners, dewijl in 't steidelek gebeed wel veer mieljoen lui woende. De stad ligk aon de Atlantische Oceaon, op Kaap Verde, de westelekste punt vaan 't Afrikaons vasteland.
Dakar oontstoont in 1456 es handelsplaots tösse de Portugeze en inheimse voorste. De factorij, die op 't eilendsje Gorée laog, deende veural de slavenhandel. In 1588 pakde de Hollenders de handelspos euver, sinds 1677 waor 'r Frans bezit. Nao 't stoppe vaan de slavenhandel bleujde hei de teelt vaan apeneut op. In 1902 woort Dakar de hoofstad vaan Frans-Wes-Afrika, 'n positie die tot daan touw aon Saint-Louis had behuurd. Wie Senegal in 1960 'n oonaofhenkelek land woort, woort Dakar hei ouch de hoofstad vaan. Sindsdeen is 't ummer 't politiek, economisch en cultureel centrum vaan 't land gewees. Toerisme weurt de lèste jaore belaankrieker. De stad is oonder mie de zittingsplaots vaan de Centraol Baank vaan Wes-Afrika. Veurheer waor 't ouch de indbestumming vaan de Paries-Dakarrally.
Bestuurleke indeiling
Dakar is 'n apaart departemint. Nao 't veurbeeld vaan Paries is de stad ingedeild in 19 arrondissemintsgemeintes. De 19 gemeintes zien:
- Biscuiterie
- Cambérènes
- Dakar-Plateau
- Dieupeul-Derklé
- Fann-Point E-Amitié
- Grand-Dakar
- Grand-Yoff
- Gueule Tapée Fass-Colobane
- Hann-Bel-Air
- HLM
- Malika
- Medina
- Mermoz Sacré-Cœur
- Ngor
- Ouakam
- Parcelles Aissainies
- Patte d'Oie
- SICAP Liberté
- Yoff
Gorée, ouch op de kaart, is gein eige gemeinte.
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.