11 miert - De kortegolf telefoniezender PCJJ, geboewd in 't Philips' Natlab in Eindhove, wirt in groate deile van de waereld kristalhelder geheuërd, o.a. in Bandung op Java, 12.000 km wiejer. De zender is óntwórpe en geboewd door de doe 23-jaorige Delfse sjtudent Johan Jacques Numans ónger mentorsjap van dr. Balthasar van der Pol.
24 miert - De Nederlandse Eësjte Kamer verwurp mèt 33 taenge 17 sjtömme 't verdraag mèt Belsj veur de aanlègk van ein Sjelde-Rienverbènjing. Dit nao ein fel campagne ónger aanveuring van de watersjtaatingenieur Anton Mussert.
11 april - 't Ministerie van Financië van de Verenigde Sjtate maak bekènd dat d'r saer de inveuring van de Dreuëglègkingswèt in jannewarie 1920 veur 62 miljoen dollar aan auto's en sjepe in besjlaag genómme is of vernetigd; dat d'r 300.000 luuj zint gearresteerd en dat hiebiej 49 pelitiemen ’t laeve höbbe gelaote.
18 mei - In 't dörp Bath in Michigan bleus eine man zien boerderiej, de plaatselike leëgere sjoal en ziene auto op. 45 luuj, de meiste daovan sjoalkènjer, kómme óm 't laeve.
20 mei - Charles Lindbergh maak mèt zien einmansvleegtuug Spirit of St. Louis, eine verboewde Ryan hoagdèkker, de eësjte solovluch non stop New York-Paries in 33 oer en 20 minute. Hae arriveert op Le Bourget op 21 mei. De aafsjtand dae hae aafgelag hèj, bedroog 5676 kilomaeter.
7 augustus - Ónger Lare haet ein frontaal bótsjing plaatsj op de tramlien nao Amsterdam. Veer luuj kómme óm t laeve. De sjtoamtram wirt vanwaege eërder óngelökke op dit traject de Gooise maordenaer geneump.
17 augustus - Op 't Rembrandtsplein in Amsterdam geit de derde editie van Olympia's Tour van sjtart. De Nederlandse amateurs kriege concurrentie van kampioene oet versjeije anger lènj en ein semi-professionele Duutsje ploog.
26 november - Op 't Amsterdamse Rembrandtplein wirt de populaire zenger/cabaretier Jean-Louis Pisuisse same met zien vrouw vermaord door häöre minnaer.
In China beginne gevechte tösje de rechtervleugel van de Kuomintang einerzieds en de lènkervleugel van dees bewaeging en de communiste angerzieds. De rechse groepe winne, en in april wirt ein sjlachting aangerich ónger hun taengesjtenders. De euverblievende communiste waere in juni oet de politieke leijing verwiejerd.
In regeringskringe in de Sovjet-Unie besjteit angs voor ein Britse poging de Sovjet-Unie, eventueel mèt boetelandjse hulp, aan te valle. Bènnelandjs is d'r sjprake van eine machssjtried tösje Stalin mèt Boecharin einerzieds en de Verenigde Oppositie van Trotski, Zinoviev en Kamenev angerzieds, die door eësjgeneumde wirt gewónne.