Dësen Artikel beschäftegt sech mat dem Traité fir d'Grënnung vun der Europäescher Wirtschaftsunioun (1958-1993). Fir d'Versiounen duerno kuckt wgl.: Traité fir d'Grënnung vun der Europäescher Unioun (1993-2009) an Traité iwwer d'Funktionéiere vun der Europäescher Unioun (zanter 2008).

Den Traité fir d'Grënnung vun der Europäescher Wirtschaftsunioun, och Traité vu Roum oder Réimesche Vertrag genannt, ass e Vertrag deen de 25. Mäerz 1957 tëscht Westdäitschland, Frankräich, Italien, Holland, Lëtzebuerg an der Belsch ënnerschriwwe gouf.

Nieft dem EAG-Vertrag ass et ee vun de Réimesche Verträg.

Mat dem EG-Vertrag gouf d'Europäesch Communautéit gegrënnt. E gehéiert zum primäre Recht am Europäeschen Droit. En ass ufanks 1958, nodeem e ratifizéiert war, a Kraaft getrueden a sollt fir onbegrenzt Zäit gëllen. Den Traité vu Roum gouf vu follgende Representanten ënnerschriwwen:

Méi spéit sinn déi heite Staaten dem Vertrag bäigetrueden:

• 1973: Dänemark - Vereenegt Kinnekräich - Irland
• 1981: Griicheland
• 1986: Spuenien - Portugal

Am Laf vun der Zäit hunn nach eng Hellewull vu Protokollen, Annexen an Deklaratiounen den Traité komplettéiert.

 Méi Informatioun doriwwer am Artikel: Protokollen, Annexen an Deklaratioune vum Traité vun der Europäescher Wirtschaftsunioun.

• 17. Februar 1986: Modificatioune mam Acte unique
• 07. Februar 1992: Zu Maastricht gouf den Traité am Kader vum Traité vu Maastricht modifizéiert an dobäi an Traité fir d'Grënnung vun der Europäescher Unioun ëmbenannt.
• 02. Oktober 1997: Modificatioune mam Traité vun Amsterdam
• 26. Februar 2001: Modificatioune mam Traité vun Nice
• 01. Dezember 2009: Den Traité vu Lissabon trëtt a Kraaft an den Traité fir d'Grënnung gëtt mam Traité iwwer d'Funktionéiere vun der Europäescher Unioun ersat.

• Text op Däitsch
• Text op Franséisch