Toots Thielemans
Gebuertsnumm	Jean-Baptiste Frédéric Isidor Thielemans
Pseudonym	Toots Thielemanns
Gebuer	29. Abrëll 1922 Marollen
Gestuerwen	22. August 2016 Braine-l’Alleud
Nationalitéit	Belsch
Aktivitéit	Komponist, Jazzgittarist, Mondharmonikaspiller, Filmkomponist, Konschtpäifer, Synchronspriecher, Museker

De Jean-Baptiste Frédéric Isidor, Baron Thielemans, bekannt als "Toots" Thielemans, gebuer den 29. Abrëll 1922 zu Bréissel, an och do den 22. August 2016 gestuerwen^[1], war e belsche Modern Jazz-Museker (Mondharmonika, Gittar, Päifen).

Hien huet mat villen aneren (Jazz-)Museker zesummegespillt, wéi dem Bobbejaan, den Charlie Parker All Stars, dem George Shearing Quintett, der Ella Fitzgerald, dem Quincy Jones, dem Paul Simon, dem Billy Joel, dem Dizzy Gillespie, dem Caetano Veloso dem Gilberto Gil oder dem Jaco Pastorius.

1957 huet hie säin éischten Album erausbruecht, Man Bites Harmonica!. Bluesette ass seng wuel bekanntste Kompositioun. Hien huet och bei den Opname vu Filmmuseke matgewierkt, wéi Asphalt-Cowboy, Turks Fruit, Jean de Florette oder The Getaway an der Tëleesserie Sesame Street.

Nach mat iwwer 90 Joer ass hie reegelméisseg opgetrueden; eréischt 2014 huet hien ugekënnegt, domat opzehalen.

• The Sound (Columbia, 1955)
• (als Jean Thielemans:) Man Bites Harmonica (Riverside, 1958)
• Time Out for Toots (Decca, 1958)
• Spotlight on Toots Thielemans (Polydor, 1961)
• The Whistler and His Guitar (ABC, 1962)
• Too Much! Toots (Philips, 1965)
• mit Elis Regina: Elis & Toots (Philips, 1969)
• Captured Alive (Choice, 1974)
• mam Bill Evans: Affinity (Warner Bros., 1978)
• mam Joe Pass und Niels-Henning Ørsted Pedersen: Live in the Netherlands (Pablo, 1982)
• mam Shirley Horn Trio: For My Lady (Gitanes, 1991)
• Toots Thielemans & Kenny Werner (2001)

• Richard Cook Jazz Encyclopedia London 2007; ISBN 978-0-14-102646-6
• Wolf Kampmann, Reclams Jazzlexikon. Stuttgart, Reclam, 2003; ISBN 978-3-15-010528-3
• Maurice Summerfield: The Jazz Guitar - Its evolution and its players (englisch). Ashley Mark Publishing 1978. ISBN 0-9506224-1-9

Commons: Toots Thielemans – Biller, Videoen oder Audiodateien

• Offiziell Websäit

1. ↑ Noruff an der Neue Zürcher Zeitung