The'd Johanns
Gebuer	10. Juni 1955 Esch-Uelzecht
Nationalitéit	Lëtzebuerg
Aktivitéit	Moler, Lokalpolitiker

Den Théid ("The'd" oder Theo) Johanns, gebuer den 10. Juni 1955 zu Esch-Uelzecht, ass e lëtzebuergesche Graphiker, Moler a Galerist.

Den The'd Johanns (hie schreift säin Numm an der Welter-Engelmann-Schreifweis), ass en Autodidakt. Hie schafft mat verschiddensten Techniken a Medien (Molerei, Skulptur, Fotografie, Zesummestellungen,...)

Hien thematiséiert gär d'Géigesätz wéi Kierper a Geescht, Wëssenschaft a Relioun, Mënsch a Maschinn, Individuum a Kollektivitéit, Eenzegaartegkeet a Multiplizitéit, asw., dacks mat engem Schotz Provokatioun oder Ironie.

Hien hat eng ganz Rëtsch vun Ausstellungen zu Lëtzebuerg an am noen Ausland, mä och zu Nice, Aix-en-Provence, Paräis, Athen,Washington D.C., New York a San Francisco.

2001 huet hien zu Betebuerg, zesumme mam Jean-Pierre Seil, d'Konschtgalerie B/C2 opgemaach. 2016 huet hie mam Sergio Sardelli, Jeff Keiser an Daisy Wagner d'Kollektiv Cueva gegrënnt.^[1],[2]

Vun 2011 bis 2014 war hie Gemengeconseiller fir déi Lénk am Escher Gemengerot^[1]

• 2004: Prix Pierre-Werner.
• Escher Kulturpräis^[Wéini ?]

• The'd Johanns Documentaire vum Christophe Wagner fir d'Serie Portraits d'Artistes (2003).

• Lëscht vu lëtzebuergesche Konschtschafenden

• Den The'd Johanns op der Websäit vum Cercle artistique de Luxembourg (fr)
• Cueva Exposition 2020 @ B4 Esch-sur-Alzette, op Vimeo

1. ↑ ^{1,0 1,1} Anne Julie Heintz: "Ein Escher Unikum." wort.lu, 19.10.2018.
2. ↑ NO ART ON AIR - Spezial: Expo Bâtiment IV, op RTL Tëlee, gekuckt de 7. Dezember 2020