Senlis gouf, well et gënschteg op enger Kräizung louch, vun de Réimer als Augustomagus gegrënnt. Am 3. Joerhonnert gouf, fir et zer verdeedegen, e 4 Meter héije Rempart gebaut, vun deem haut nach Reschter ze gesi sinn. Duerno gouf Senlis Kinneksstad: den Hugues Capet gouf hei 987 zum Kinnek gewielt. E Palais gouf gebaut, d'Stad krut eng nei Stadmauer, an 1191 gouf d'fréigoteschKathedral Notre-Dame, un där 1153 ugefaange gouf, ze bauen, ageweit. Se krut am 13. Joerhonnert en Tuermopsaz an am 16., no engem Feier, en héichgotescht Queeschschëff.
Och kuckeswäert sinn d'Probstei St. Maurice, d'Kapell Saint-Frambourg, d'Stadhaus an d'Privathaiser aus dem 17. an 18. Joerhonnert.
