Den SES-16/GovSat(-1) ass e Satellit vun der Joint Venture mam provisoreschen Numm LuxGovSat. Et ass en Telekommunikatiouns- a Méizwecksatellit mat spezielle militäresche Frequenzen am X-Band an am militäresche Ka-Band, mat vollbeweeglechen Héichleeschtungs-Spot beame fir regierungsspezifesch Missiounen am militäreschen a staatleche Beräich. De Constructeur vum Sattelit ass den US-amerikanesche Konzern Orbital ATK.
De Satellit gouf den 31. Januar 2018 mat enger Falcon 9 vun der Firma SpaceX op säin Orbit op der Positioun 21.5°E bruecht. D'Falcon 9 gouf als Drorakéit erausgesicht well d'Arianerakéit déi d'SES normalerweis benotzt net staark genuch ass fir den iwwer 4 Tonne schwéiere Satellit op seng Plaz ze bréngen.
De Satellit deen eng Liewensdauer vu 15 Joer soll hunn, soll follgend Beräicher ofdecken: Subsahara-Afrika, Mëttleren Osten an Nordafrika, Westafrika an Europa, a steet der NATO a sengen Alliéierten zur Verfügung.
Um Spaweck
Referenzen
.jpg)