E Roof Seat Break gebaut vum Kutschebauer Kellner et ses fils vu Paräis
E Roof Seat Break oder och Built up Break ass e Break mat enger verlängerter Këscht, deen am Zweespänner oder Véierspänner ka gefuer ginn. An der Këscht sinn d'Sëtzer dacks de queesche Wee montéiert, sou datt d'Passagéier sech vis-à-vis sëtzen, oder mat de Récker widdereneen.
De Roof Seat Break war an den 1880er an 1890er Joren an der Moud. De bekannten New-Yorker Kutschebauer Brewster huet ëmmer den Numm Roof Seat Break, contestéiert, well d'Kutsch keen Daach hat, hien huet seng Kutschen ënner dem Numm Platform Break op de Maart bruecht.[1]
