Am Laf vun der Zäit huet d'Streck e puermol geännert, an am Ufank gouf souguer en Deel mam Schëff op der Donau an um Schwaarze Mier gemaach.
Et war den éischte grousse Luxuszuch a séi Ruff besteet nach bis haut. 1919 krut e mam Simplon-Orient-Express Konkurenz op enger méi südlecher Streck an dunn och nach 1926 vum Arlberg-Orient-Express. 1930 gouf seng Streck mam Taurus-Express bis a Klengasien verlängert. An den 1960er Joren huet den Zuch e bësselche vu sengem Luxusstatus agebéisst, mä e fiert nach deeglech d'Streck Paräis-Budapest iwwer München a Wien.
Vun 1982 bis 2005 ass nach e Luxuszuch, de Venedeg-Simplon-Orient-Express, dee vun der brittescher Privatfirma Belmond mat restauréiertem Rullmaterial vu fréier bedriwwe gouf, gelaf.
