D'Oeko-Foire (sic) war eng Ausstellung zu Lëtzebuerg, déi e breet Spektrum vun Informatiounen, Produkter a Servicer zum Theema Ëmwelt a Gesondheet an och innovativ Projete presentéiert huet. Si gouf vun 1987 bis 2016 organiséiert a war an der Reegel am September an den Ausstellungshalen um Kierchbierg.
Déi éischt Oeko-Foire gouf 1987, am Europäeschen Ëmweltjoer ofgehalen. Si hat 30 Aussteller an eng 4000 Visiteuren. Zanterhier huet se sech virun entwéckelt, et sinn all Joer op d'mannst 13.000 Visiteuren an iwwer 170 Exposanten, déi do zesummekoumen.[1]
Fir an d'Rullen ze kommen, krut d'Oeko-Foire am Ufank e Subside vum Ëmweltministère. Se finanzéiert sech awer zanter en ettlech Joer selwer.
No där vun 2016 hunn d'Organisateuren decidéiert, 2017 keng Oeko-Foire méi z'organiséieren: ekologesch Produiten an d'Kenntnes doriwwer wieren ewell wäit doruechter verbreet, sou datt eng extra Foire net méi néideg wier.[2]
