Zu Lëtzebuerg gëtt et ëffentlech Naturschutzzentren, wouvun der fënnef vum Staat an ee vun enger Associatioun gefouert ginn.

Ziler vun dësen Zentre sinn:^[1]

• D'Informatioun iwwer d'Natur an d'Sensibiliséierung fir den Naturschutz, fir d'Leit aus der Géigend (besonnesch och d'Schoulen), mä och fir d'Touristen
• Ausstellungen, Seminairen a Konferenzen
• Verkaf vu regionale Produkter, z. B. Hunneg, Fleesch- a Mëllechprodukter, Liqueuren, asw.

Déi fënnef staatlech Naturschutzzentre sinn:

• Naturschutzzenter A Wiewesch zu Manternach
• Naturschutzzenter Ellergronn zu Esch-Uelzecht
• Naturschutzzenter Mirador zu Stengefort
• Naturschutzzenter Buerfelt um Buerfelt bei Ënsber
• Naturschutzzenter Biodiversum Camille Gira zu Remerschen (2012)

D'Haus vun der Natur op der Kockelscheier gëtt vum Veräin natur&ëmwelt gefouert.

D'Ziler vum Zenter si grosso modo déi selwecht wéi déi vun de staatlechen Zentren. Dobäi kënnt d'Koordinatioun vun den Aktivitéite vun den Organisatiounen déi am Haus hire Sëtz hunn.

• natur&ëmwelt
• Natura 2000
• Ramsar-Konventioun

• Staatlech Naturschutzzentren (Centres d'accueil) op dem Emweltportal
• Websäit vum Naturschutzzenter Haus vun der Natur

1. ↑ Quell fir d'Donnéeën iwwer déi staatlech Naturschutzzentren: Luxemburger Wort 30. September 2010 S. 22.