Zesummesetzung vun der Chamber 2018 mat ganzer 7 Parteien.
E Méiparteiesystem ass e politesche System, an deem e puer politesch Parteien d'Kontroll iwwer d'Regierung kënne kréien, an dat entweeder eleng oder an enger Koalitioun.[1][2] Doduerch ass d'Chance méi héich, datt de politesche Wëlle vum Vollek duerch verschidde Parteien artikuléiert gëtt.
Dem Méiparteiesystem steet den Eeparteisystem oder Eenheetsparteisystem géigeniwwer, an deem et nëmmen eng politesch Partei gëtt. Donieft gëtt et awer och nach de Villparteiesystem (mat Honnerte vu Parteien) an den Zwouparteiesystem (mat zwou grousse Parteien).[2]
