Io sto bene ass e lëtzebuergesch-belsch-däitsch-italieenesche Spillfilm vum Donato Rotunno. En ass den 13. Oktober 2020 zu Lëtzebuerg an de Kino komm.
Ëm wat geet et am Film?
Den Antonio, deen als jonke Mann op Lëtzebuerg emigréiert war an do säi ganzt aktiivt Liewe verbruecht hat, begéint nom Doud vu senger Fra, der Leo, enger jonker italieenescher Kënschtlerin, déi hiert Gléck am Ausland versicht...
Produktioun
De Film gouf zu Lëtzebuerg, an Italien an an der Belsch gedréit. Am Ganze goufen et 36 Dréideeg.[1]
De Lëtzebuerger Filmfong huet der Filmproduktiounsgesellschaft Tarantula Luxembourg am November 2018 e Subside an Héicht vun 2.618.000 Euro accordéiert, fir de Film ze produzéieren.[2]
Io sto bene ass haaptsächlech op Italieenesch gedréint.
Soss
Migratioun ass en Theema, dat och schonn am Regisseur sengem Documentaire Terra mia terra nostra (2012) thematiséiert gëtt.
Den Titel bedeit "Mir geet et gutt" op Italieenesch.
De Film ass op verschiddene Filmestivaller an Europa gelaf, dorënner zu Roum, Villerupt, Mons a London.[3]
E war 2021 déi lëtzebuergesch Propositioun fir eng Oscar-Nominatioun an der Kategorie "Beschten Internationale Film".[4]
Kuckt och
Um Spaweck
Referenzen
- ↑ paperjam.lu: «Io sto bene», le nouveau long métrage de Donato Rotunno (25. November 2019)
- ↑ filmfund.lu: Comité de Sélection décisions novembre 2018
- ↑ Fiche vum Film um Site vun Tarantula
- ↑ gouvernement.lu: Le film "Io sto bene" de Donato Rotunno défendra les couleurs du Luxembourg dans la course aux Oscars 2022 (25. Oktober 2021)
