Der Passfälscher ass en däitsch-lëtzebuergescht Filmdrama vun der Maggie Peren, dat den 13. Februar 2022 am Kader vun den Filmfestspiller zu Berlin seng Première hat. Et ass eng Filmbiografie iwwer den Cioma Schönhaus, deen den Zweete Weltkrich iwwerlieft huet, andeems en ë. a. Päss gefälscht huet.
Ëm wat geet et am Fim?
1942: Den Cioma Schönhaus, e jonke jiddesche Mann a geléierte Grafiker, decidéiert sech zu Berlin ze 'verstoppen', andeems e sech eng falsch Identitéit als Marineoffizéier zouleet, an esou ënner d'Leit kann, wéi wann näischt wier. Hien huet och en Talent, Pabeieren ze fälschen, woumat e sëlleche Leit, déi op der Flucht virun den Nationalsozialiste sinn, d'Liewe rett. Ma dat ass net ouni Geforen ...
Produktioun
De Film gouf vum 18. Januar bis den 2. Mäerz 2021 an Däitschland an zu Lëtzebuerg opgeholl.
Zu Lëtzebuerg gouf an den Hale vun ArcelorMittal-Schëffleng, an de Kasematten an am Industriepark Fond-de-Gras gedréint.[1]
Literatur
Der Passfälscher. Die unglaubliche Geschichte eines jungen Grafikers, der im Untergrund gegen die Nazis kämpfte. Hrsg. von Marion Neiss. Scherz Verlag, Frankfurt am Main 2004. ISBN 3-502-15688-3
