Hie war, besonnesch an den 1960er an 1970er Joren, mat ee vun den erfollegräichste Komponisten an Amerika, ronn 130 vu senge Lidder hunn et an d'Single-Charts gepackt.[2] Bei de meeschte vu senge Lidder huet den Hal David den Text geschriwwen. Besonnesch d'Dionne Warwick gouf mat Bacherach-David-Kompositioune bekannt, ma hie huet och fir vill aner Sänger Lidder geschriwwen. Zu senge bekanntsten Titelen zielen Raindrops keep fallin on my Head, Walk on by, Arthur’s Theme (Best That You Can Do), That's What Friends Are For oder On My Own.
Ënner de Filmmuseken, déi e komponéiert huet, si Casino Royale a What's new Pussycat?.
