Aurelio Sabbatini
Gebuer	20. Juli 1909 Esch-Uelzecht
Gestuerwen	7. Juni 1987 Esch-Uelzecht
Nationalitéit	Lëtzebuerg
Aktivitéit	Sculpteur
Famill
Kanner	Bettina Sabbatini

Den Aurelio Sabbatini, gebuer den 20. Juli 1909 zu Esch-Uelzecht, an och do gestuerwen de 7. Juni 1987, war e lëtzebuergesche Sculpteur.

Hien huet am Holz, Marber, Steen a Keramik geschafft. Hien hat d'Meeschterprüfung als sculpteur sur pierres.

1948 huet hien de Prix Grand-Duc Adolphe kritt.

Den Aurelio Sabbatini war mat der Agnese Brancaleone bestuet. Hie war de Papp vun der Bettina Sabbatini an der Béatrice Sabbatini.

• D'Monument fir den George S. Patton mam Aadler drop, um Patton Square zu Ettelbréck
• Reliefaarbechten un der Neier Bréck
• Reliefaarbechten um Escher Stadhaus
• Skulptur beim Fatima-Monument zu Wolz
• De Marienaltor an d'Relieffer am Steen un de Säitenaltär an der Grenzerkierch zu Esch
• "Wäimadonna" zu Schwéidsbeng (1955)
• D'Monument aux morts zu Luerenzweiler
• Vill Skulptur-Aarbechten a Kierchen an u Monument aux morts zu Lëtzebuerg
• Refliefaarbechte baussen un der Kierch zu Gron an der Provënz Belluno an Italien
• Eng Consolatrix afflictorum an der Kathedral vu Belluno, gestëft vun de Bellunesi di Lussemburgo (1972)

• Chevalier vum Ordre de Mérite du Grand-Duché de Luxembourg (Promotioun 1974)^[1]

• Lëscht vu lëtzebuergesche Konschtschafenden

1. ↑ Pour leurs mérites dans le domaine culturel op der Säit 3 vum Luxemburger Wort vum 26. Juni 1974 op eluxemburgensia.lu gekuckt de 24. Dezember 2022