Abul Wáfa

Koordinaten	0°57'36"N, 116°37'48"O
Duerchmiesser	54,2 km
Déift	2.800 m
Genannt no	Abu l-Wafa
Genannt am Joer	1970
Moundvéiereck	LQ14

Den Abul Wáfa ass en Aschlagkrater an der Géigend vum Moundequator op der Récksäit vum Äerdmound. E läit tëscht de Kratere King am Nordosten a Vesalius am Südwesten. Genee ëstlech läit d'Kraterkoppel Ctesibius an Heron.

D'Begrenzung vum Krater erënnert un en ofgerënnten Diamant. De Kraterrand an déi bannenzeg Ramplie sinn duerch Aschléi erodéiert a weise Virspréng, déi méiglecherweis eemol Terrassen oder opgetiermt Stengofhäng waren.

E klengen, awer däitlech erkennbare Krater läit um Nordrand vum Kraterbuedem, an e weidere klenge Krater läit direkt beim südwestleche Bausserampli.

Portal Astronomie

• Krater Abul Wáfa im "Digital Lunar Orbiter Photographic Atlas of the Moon"
• Moundkaart Nr 65: De Krater Abu Wafa läit ënnen an der Mëtt