Wang Yi

Res apud Vicidata repertae:

Nativitas: 19 Octobris 1953; Pechinum
Patria: Res publica popularis Sinarum

Wang Yi seu litteris Sinicis 王毅 (Pechini natus die 19 Octobris 1953) est politicus rei publicae popularis Sinarum.

Iuvenis ab anno 1969 octo annos in Serica boreo-orientali in exercitu constructionis laboravit. In urbe natali reditus linguae Iaponensi apud universitatem studiorum internationalium Pechinensem studuit. Deinde apud sectionem Asiaticam ministerii a rebus externis operam dedit, sed ab anno 1989 usque in 1994 Tokium missus est iuxta legationem Sinensem. Brevius temporis spatium universitatem Georgiopolitanam, longius universitatem rerum externarum Sinensem frequentavit. Minister vicarius a rebus externis Asiaticis a mense Februario 2001 meruit, omnium ministrorum vicariorum iuvenissimus. Mox a mense Septembri 2004 legatus rei publicae popularis Sinarum iuxta regimen Iaponense, sed a Iunio 2008 rector dicasterii rerum Taiwanensium factus est. Die 16 Martii 2013 minister a rebus externis creatus est.

• Chris Buckley, "China’s Foreign Minister Castigates Canadian Reporter for Rights Question" in New York Times (3 Iunii 2016)
• "North Korea must not provoke international community, China says" in The Guardian (5 Augusti 2017)

• Vita apud China Vitae
• Beimeng Fu, "People Are Super Thirsty Over This Diplomat And It's Kinda Weird" (21 Iulii 2016) apud BuzzFeed

Ministri rerum externarum rei publicae popularis Sinarum

Zhou Enlai 1949 • Chen Yi 1958 • Ji Pengfei 1972 • Qiao Guanhua 1973 • Huang Hua 1976 • Wu Xueqian 1982 • Qian Qichen 1988 • Tang Jiaxuan 1998 • Li Zhaoxing 2003 • Yang Jiechi 2007 • Wang Yi 2013 • Qin Gang 2022 • Wang Yi 2023 周恩来 • 陈毅 • 姬鹏飞 • 乔冠华 • 黄华 • 吴学谦 • 钱其琛 • 唐家璇 • 李肇星 • 杨洁篪 • 王毅 • 秦刚 • 王毅 Opus geopoliticum • Ministri a rebus externis civitatum Asiaticarum hodiernarum Capsae cognatae: Praesides consilii rei publicae popularis Sinarum