Saleh Kebzabo

Wikidata Saleh Kebzabo
Res apud Vicidata repertae:
Saleh Kebzabo: imago
Saleh Kebzabo: imago
Nativitas: 27 Martii 1947; Léré
Patria: Tzadia

Saleh Kebzabo (die 27 Martii 1947 natus), e gente Mundang ortus, est diurnarius et politicus Tzadiae. A die 12 Octobris 2022 primus minister meret.

Ad Léré natus, olim urbe capitali regni Mundang, Saleh Kebzabo filius est ducis militum illius regni.[1] Educatus est prope urbem nativam sed intra fines Cammaruniae. Ab anno 1966 duos annos Lutetiae apud Institutum Diurnariis Erudendis studuit. Studia sua in Instituto Artis Diurnariae Francico ab anno 1972 persecutus est ac eodem tempore iuxta hebdomadarium Jeune Afrique operam dedit, cui Dakar in urbe excubans ab anno 1975 nuntios mittebat. Anno autem 1977 periodicum Parisiense Demain L’Afrique cum aliis condidit, ab hoc anno Yaunde in urbe nuntios mittebat, ab anno fere 1980 ipse direxit. Denuo in Tzadiam reditus diarium N'Djaména Hebdo anno 1989 condidit.

Factionem politicam Union nationale pour le développement et le renouveau anno circiter 1990 condidit, cui praeses olim electus est, cui etiam hodie particeps manet. Anno 1997 Novi Eboraci in urbe legationem Tzadiensem iuxta Nationes Unitas direxit. Recentius ab 2007 usque in 2016 legatus est parlamento Panafricano Iohannesburgi sedenti.

Annis fere 1993 et 1994 minister a commercio et minister operum publicorum factus est. Ter ad praesidatum candidatus est, annis 1996, 2001, 2011. Minister a rebus externis a mense Augusto 1996 usque in 21 Maii 1997 meruit, deinde minister ab operibus publicis usque ad diem 1 Ianuarii 1998, deinde breve spatium minister a fodinis. Legatus est parlamento Tzadiensi pro circulo nativo Léré ab anno 2002 usque in 2021. A praeside Mahometo Déby Saleh Kebzabo primus minister Tzadiae die 12 Octobris 2022 factus est, antecessore Alberto Pahimi Padacké.

Notae

  1. ↑ Journaliste de profession, fils de l'ancien Kaïgamma, chef des armées moundang: Maud Gauquelin, "De la Bible aux jouets de Noël chez les Moundang du Tchad" in Cahiers d'études africaines no. 224 (2016) pp. 915-940, vide notam subiunctam 14

Nexus externi

Lexica biographica:  • Store norske leksikon •
Primi ministri Tzadiae

Hissène Habré 1978–1979 • Djidingar Dono Ngardoum 1982 • Ioannes Alingué Bawoyeu 1991–1992 • Iosephus Yodoyman 1992–1993 • Fidelis Moungar 1993 • Delwa Kassiré Koumakoye 1993–1995 • Koibla Djimasta 1995–1997 • Nassour Guelendouksia Ouaido 1997–1999 • Nagoum Yamassoum 1999–2002 • Haroun Kabadi 2002–2003 • Moussa Faki 2003–2005 • Paschalis Yoadimnadji 2005–2007 • Delwa Kassiré Koumakoye 2007–2008 • Iosephus Saleh Abbas 2008–2010 • Emmanuel Nadingar 2010–2013 • Djimrangar Dadnadji 2013 • Kalzeubet Pahimi Deubet 2013–2016 • Albertus Pahimi Padacké 2016–2022 • Saleh Kebzabo 2022–2023 • Succès Masra 2024

Ministri rerum externarum Tzadienses (1978–)

Kotigua Guérina • Barma Ramadan • Dabar Nag Koumaba Dering • Acyl Ahmat Akhbach • Idriss Miskine • Gouara Lassou • Acheikh Ibn Oumar • Soungui Ahmad • Mahamat Saleh Ahmat • Mahamat Ali Adoum • Korom Ahmad • Fakadi Lokna • Ahmat Abderahmane Haggar • Saleh Kebzabo • Mahamat Saleh Annadif • Nagoum Yamassoum • Ahmad Allam-mi • Moussa Faki • Hissein Brahim Taha • Chérif Mahamat Zene • Mahamat Saleh Annadif

Capsae cognatae: Primi ministri Tzadiae