Milium

Follis milio plenus cum inscriptione Tamulica

Milium est frumenti genus, quod e Panico producitur. Durum est, avibus multis iucundissimum, et, ut antiqui aiunt, usque ad centum annos servari potest, si ab humore custodiatur[1]. Puls e milio candida conficiebatur, interdum et panis, praecipue in Campania, ut Plinius[2] et Columella dicunt[3]. Panis e milio, ante quam refrigescat, sine fastidio absumi potest, ut Columella putat[4].

Milium (illuminatio e Tacuino sanitatis Parisiensi)

...et milio venit annua cura,

dicit Vergilius[5].

Notae

  1. ↑ Plinius Hist. nat. XVIII 307 (Varronem citans).
  2. ↑ Hist. nat. X 100.
  3. ↑ Rei rusticae libri, II 9, 19.
  4. ↑ Ibidem.
  5. ↑ Georgica, I 216.

Nexus externi

Haec pagina verba incorporat ex Aegidii Forcellini Lexico Totius Latinitatis, 1775. Versio interretialis