Iacobus Murray (James Augustus Henry Murray et denuo Sir James Murray; natus die 7 Februarii1837; mortuus Oxoniae die 26 Iulii1915) fuit philologus et lexicographus. Ab anno 1879 usque ad mortem edidit lexicon Anglicum A New English Dictionary on Historical Principles (Oxford English Dictionary).
Iacobus Murray, filius vestiarii Thomassi Murray, natus est apud Denholm iuxta HawickScotiae, in quo urbe magister in Hawick Grammar School meruit; mox Londinii degens apud Mill Hill School docuit; eodem tempore, socius Societatis Philologicae, investigationes linguarum, et praecipue dialectorum Anglicarum, persecutus est. Anno 1878 igitur, suadente praecipue Frederico Furnivall, a delegatis preli universitarii Oxoniensis receptus est ad munus editoriale lexici novi; in quo opere, materie a Societate Philologica collecta utens moxque Oxoniam habitans, Murray vitam omnem transegit.
Domus olim Iacobi Murray iuxta Banbury Road Oxonii iacens, cum receptaculo epistulario ibi ob epistularum philologicarum crebritatem posito
Opera
1873 : The Dialect of the Southern Counties of Scotland: its pronunciation, grammar and historical relations. Londinii: Philological Society
K. M. Elisabeth Murray, Caught in the Web of Words: James Murray and the Oxford English Dictionary. New Haven: Yale University Press, 1977. ISBN 0-300-08919-8
Wilfrid G. R. Murray, Murray the Dictionary Maker: a brief account of Sir James A. H. Murray, the chief editor of The Oxford (or New) English Dictionary. Wynberg, Cape Province: Rustica Press, 1943
[Herbert Warren:] Necrologia Iacobi Murray in The Times (27 Iul. 1915)
Simon Winchester, The Meaning of Everything: The Story of the Oxford English Dictionary. Oxonii: Oxford University Press, 2003. ISBN 0-19-860702-4
Simon Winchester, The Surgeon of Crowthorne. (liber alibi titulo The Professor and the Madman notus)
