Hugo Gerhard Simberg (natus 24 Iunii 1873 Fredericiae, mortuus 17 Iulii 1917 in Aehtaeris Finniae) fuit pictor Finnicus.

Simberg primum Viburgi arti pingendi studuit ab anno 1891, deinde Helsingiae annis 1893–1895, ab anno autem 1895 discipulus erat Axelii Gallen-Kallelae pictoris, qui iam eo tempore bonam assectus erat famam.

Anno 1903 Ecclesia Cathedralis Tamperensis aedificari coepta est Tammerforsiae, et Hugoni Simberg et Magno Enckell mandatum est ecclesiam picturis ornare. Simberg duas picturas in parietem, Haavoittunut enkeli et Kuoleman puutarha (vide imagines infra) atque in partem mediam ecclesiae longum opus Köynnöksenkantajat pinxit. Haec facta sunt fortasse notissima opera eius.

• 
  Haavoittunut enkeli, 1903, (sc. Angela vulnerata)
• 
  Kuoleman puutarha, 1906, (sc. Hortus mortis)
• 
  Pars operis Köynnöksenkantajat (sc. Geruli vitis)
• 
  Pars operis Köynnöksenkantajat in Ecclesia Cathedrali Tamperensi
• 
  Piru padan ääressä (sc. Daemon ad ollam)
• 
  Halla (sc. Frigus)
• 
  Hartaus (sc. Liturgia)

Vicimedia Communia plura habent quae ad Hugonem Simberg spectant.