Haschim Chalid al-Atassi (natus ignoto die anno 1875 Emesae, ibidem mortuus die 5 Decembris 1960) vir publicus Syriae fuit.

Al-Atassi anno 1920 praeses ministrorum atque ter praeses Syriae fuit: Ab anno 1936 ad 1939, ab 1949 ad 1951 atque ab 1954 ad 1955.

Foedere cum Francia, quae post primum bellum mundanum Syriam civitatem administrabat signato atque suffragio libero habito al-Atassi die 21 Decembris 1936 primus praeses Syriae electus est. Die 7 Iulii 1939 a magistratu se recessit, quod Francici regionem Hatay Turciae dederunt. Bahij al-Khatib, socius Francorum, eius successor factus est.

Die 15 Augusti 1949 motu militum facto al-Atassi iterum praeses factus est. Die 2 Decembris 1951 a magistratu se iterum recessit, quod Adib asch-Schischakli dux militum dictator se gerebat.

Schischakli anno 1954 deposito al-Atassi die 28 Februarii tertio praeses factus est et ad diem 6 Septembris 1955 magistratum summum Syriae duxit. Shukri al-Quwatli libero suffragio populi eius successor electus est.

• Biographia brevis apud mideastimage.com (lingua Anglica)

Praesides Syriae

Haschim Chalid al-Atassi · Bahij al-Khatib · Chalid al-Azm · Taj ad-Din al-Hasani · Jamil al-Ulshi · Ata al-Ayyubi · Schukri al-Quwatli · Husni az-Za'im · Haschim Chalid al-Atassi · Fawzi Selu · Adib asch-Schischakli · Haschim Chalid al-Atassi · Shukri al-Quwatli · Maamun al-Kuzbari · Izzat an-Nuss · Nazim al-Qudsi · Louai al-Atassi · Amin al-Hafiz · Nureddin al-Atassi · Ahmad al-Chatib · Ḥāfiẓ al-Asad · Baššār al-Asad Opus geopoliticum • Duces civitatum Asiaticarum hodiernarum Capsae cognatae: Primi ministri Syriae