Dactylopius coccus (binomen ab Orontio Gabriele Costa anno 1835 statutum), vulgo cochinilla,[1] est insectum Coccoideum subordinis Sternorrhynchorum, ex quo tinctura coccum (carmesium) extrahitur. Insectum, parasitus plerumque sessilis, in cactis generis Opuntiae habitat, sucum eorum edens.
Insectum acetum carminicum creat, quod alia insecta praedatoria deterret. Hoc acetum, 17–24% ponderis insectorum siccatorum componens, ex corpore ovisque extrahitur, deinde salibus aluminii vel calcii miscetur, ad tincturam conficiendam.
