Canaliculus Hiemalis

Canalicus Hiemalis inter Museum Solitarium Novum (a laeva) et Theatrum Solitarium (a dextra); "ponticulus Lisae" et transitus calidus media imagine (chartula cursualis saeculi XX ineuntis).

Canaliculus Hiemalis[1] (Russice Зимняя канавка) est canalis Petropolis, pars deltae Nevae fluminis. Inter aedificia Musei Solitarii situs est, inter Museum Solitarium Novum et Theatrum Solitarium. Nevam et Moikam coniungit. Longitudo canaliculi Hiemalis 228 m est.

Anno 1719 effossus est iuxta Aulam Hiemalem priscam, cuius loco anno 1787 Iacobus Quarenghi Theatrum Solitarium aedificavit; in ripa altera tunc Georgius Veldten Museum Solitarium Novum construxit. Tunc et transitus calidus inter aedificia super canaliculum constructus est. Pons sub hoc transitu situs vetustissimus in Petropoli pons lapideus est; secundum Reginam spiculorum, Petri Čajkovskij drama melicum, de hoc ponte Elizabeth (Liza) in undas se deiecit, qua de causa interdum ponticulus Lizae nominatur.

Notae

  1. ↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.

Nexus externi

Situs geographici et historici: Locus: 59°56′32″N 30°19′3″E • OpenStreetMap