Pevratiya welatî (bi îngilîzî "civil union", "civil partnership" an jî "registered partnership" ) cureyekî pevratî ye û hin welat vê pevratiyê mîna zewacê bi riya fermî nas dike û dide tomarkirin. Pevratiya welatî maf û berpirsyariyên mîna zewacê (di welatin de wekî zewacê) dide cotên hevzayendan. Ji 1989an vir ve li Danîmarkayê pevratiya welatî (registreret partnerskab) bo hevzayendan dihat qeydkirin ku li cîhanê ev cara yekemin bû.^[1]

Hin welat, herêm an jî parêzgehan mîna Quebec, Nû Zelenda û Ûrûguay, ji bo coteyarên heteroseksuelan jî derfeta pevratiya welatî didin. Pevratiya welatî ji aliya hin kesan ve ji ber ku ne statuya zewacê ye tê rexnekirin.^[2]

Heta nuha li Almanya, Andorra, Awistirya, Keyaniya Yekbûyî, Çekya, Danîmarka (Grînlenda jî), Ekuador, Fînlenda, Fransa, Îrlenda, Swîsre, Kolombiya, Lûksembûrg, Mecaristan, Slovenya, Ûrûguay û Nû Zelenda li tevayiya welêt hatiye qanûnîkirin.

• Zewaca hevzayendan

• Labartuara Ewropa ya Zewac û Pevratiyê ^{Girêdana arşîvê 2008-12-27 li ser Wayback Machine}
• Rêbera Pevratiya Welatî yê Vermontê ^{Girêdana arşîvê 2007-01-15 li ser Wayback Machine}
• Civil Union Fact Sheet, Australian Capital Territory web site ^{Girêdana arşîvê 2007-09-27 li ser Wayback Machine}