PROFILPELAJAR.COM

	სტივენ ჯეიმზ ანაია
	; ანაია კუალა-ლუმპურში, მარტი, 2013
კოლორადოს უნივერსიტეტის სამართლის სკოლის მე-16 დეკანი
თანამდებობაზე ყოფნის დრო
	8 აგვისტო, 2016 – 30 ივნისი, 2021
წინამორბედი	ფილ ვაიზერი
მემკვიდრე	ლოლიტა ბაქნერი
განათლება	ნიუ-მექსიკოს უნივერსიტეტი ; ჰარვარდის სამართლის სკოლა
საიტი	*ოფიციალური საიტი

სტივენ ჯეიმზ ანაია ― ამერიკელი იურისტი და კოლორადოს უნივერსიტეტის ბოლდერის სამართლის სკოლის მე-16 დეკანი.^[1] წარსულში მუშაობდა არიზონის უნივერსიტეტის ჯეიმზ ი. როჯერსის სამართლის კოლეჯის ადამიანის უფლებების სამართლისა და პოლიტიკის პროფესორად^[2] და 10 წელზე მეტ ხანს აიოვის სამართლის საუნივერსიტეტო კოლეჯის ფაკულტეტზე. 2008 წლის მარტში როდოლფო სტავენჰაგენი ჩაანაცვლა და გაეროს სპეციალურ რეპორტიორად დაინიშნა ადამიანის უფლებებისა და აბორიგენების ფუნდამენტური თავისუფლებების საკითხებში.^[3] 2019 წელს ამერიკის ფილოსოფიური საზოგადოების წევრად აირჩიეს.

განათლება და კარიერა

1980 წელს ანაიამ ნიუ-მექსიკოს უნივერსიტეტი, ხოლო 1983 წელს ჰარვარდის სამართლის სკოლა დაამთავრა. ჰარვარდის სამართლის სკოლაში სტუდენტების მრჩეველთა საბჭოს წევრი იყო. მუშაობს ადამიანის უფლებების საერთაშორისო სამართლის, საკონსტიტუციო სამართლისა და აბორიგენებთან დაკავშირებულ საკითხებზე.^[2]

ანაია ადამიანის უფლებებისა და აბორიგენებთან დაკავშირებულ საკითხებზე სხვადასხვა ქვეყნის ორგანიზაციებისა და სამთავრობო სააგენტოების კონსულტანტად მუშაობდა. საერთაშორისო ორგანიზაციებსა და სასამართლოებში ჩრდილოეთი და ცენტრალური ამერიკის აბორიგენი ჯგუფების წარმომადგენელი იყო. იგი აბორიგენთან მთავარი მრჩეველი იყო სასამართლო პროცესში, Awas tingni v. Nicaragua, რომელშიც ადამიანის უფლებების შიდაამერიკულმა სასამართლომ აბორიგენთა უფლება მიწაზე პირველად შეიტანა საერთაშორისო სამართლის საკითხებში.^[4] ანაია ხელმძღვანელობდა სპეციალისტთა გუნდს, რომელთა საქმიანობის შედეგადაც, ბელიზის უზენაესმა სასამართლომ ტრადიციული უფლებები მიწაზე მაიას ხალხს მიანიჭა.^[5]

2016 წლის 13 აპრილს ჯეიმზ ანაია, არიზონის უნივერსიტეტის ადამიანის უფლებების სამართლისა და პოლიტიკის პროფესორი, კოლორადოს უნივერსიტეტის ბოლდერის სამართლის სკოლის დეკანად დაინიშნა. ანაიამ უფლებამოსილების შესრულება 2016 წლის 8 აგვისტოს დაიწყო.^[1] 2021 წლის 30 ივნისიდან ანაია კოლორადოს სამართლის სკოლის დეკანი და ფაკულტეტის გამორჩეული წევრია.^[6]

ანაია აპაჩია და პურეპუჩური წარმოშობისაა.^[7]

რჩეული პუბლიკაციები

Anaya, S. James (1996). Indigenous peoples in international law. Oxford University Press.
— (1998). „Maya aboriginal land and resource rights and the conflict over logging in southern Belize“. Yale Human Rights & Development Law Journal. 1.
Anaya, S. James (2004). Indigenous peoples in international law, 2nd, Oxford University Press.
International Human Rights: Problems of Law, Policy, and Practice (4th ed. 2006) (co-authored with Richard B. Lillich, Hurst Hannun & Dinah L. Shelton) ISBN 0-316-52687-8
The Protection of Indigenous Peoples' Rights Over Lands and Natural Resources Under the Inter-American Human Rights System, 14 Harv. Hum. Rts. J. 33 (2001) (co-author with Robert A. Williams, Jr.).
The Native Hawaiian People and International Human Rights Law: Toward a Remedy for Past and Continuing Wrongs, 28 Ga. L. Rev. 309 (1994), reprinted in International Law and Indigenous Peoples 309 (S. James Anaya ed., 2003).
A Contemporary Definition of the International Norm of Self-Determination, 3 Transnat'l L. & Contemp. Probs. 131 (1993).