„ჯასტინი და სიმამაცის რაინდები“ (ესპ. Justin y la espada del valor, ინგლ. Justin and the Knights of Valour) — ინგლისურ-ესპანური სრულმეტრაჟიანი 3D ანიმაციური ფენტეზი ფილმი. Kandor Graphics-სა და კინო-გაერთიანება Sony Pictures Releasing de España-ის ერთობლივი ნაწარმოები. ფილმის რეჟისორია მანუელ სიცილია, პროდიუსერები — მარსელინო ალმანსა, ანტონიო ბანდერასი, კერი ფულტონი და რალფ კემპი, სცენარისტები — მეთიუ ჯეიკობსი და მანუელ სიცილია, მუსიკა ეკუთვნის ილან ეშკერს. პერსონაჟებს ახმოვანებენ ფრედი ჰაიმორი, ანტონიო ბანდერასი, ჯეიმზ კოსმო, ჩარლზ დენსი, ტემსინ ეგერტონი, რუპერტ ევერეტი, ბარი ჰამფრისი, ალფრედ მოლინა, მარკ სტრონგი, დეივიდ უოლიამსი, ჯული უოლტერსი, ოლივია უილიამსი და სირშა რონანი. ფილმში მოთხრობილია თინეიჯერი ბიჭის, ჯასტინის ისტორია, რომელსაც მისი ბაბუის, სერ როლანდის მსგავსად სურს გახდეს რაინდი.
პრემიერა გაიმართა 2013 წლის 13 სექტემბერს გაერთიანებულ სამეფოში. ფილმს წილად ხვდა უარყოფითი შეფასებები კინოკრიტიკოსებისაგან. საერთო განხილვების საიტ Rotten Tomatoes-ზე მისი საერთო რეიტინგი შეადგენს 13% (15 მიმოხილვაზე დაყრდნობით). 2014 წელს Paramount Home Media Distribution-მა ფილმი DVD და Blu-ray ფორმატებში გამოსცა.
ახმოვანებენ
რესურსები ინტერნეტში
სქოლიო
.svg){kind=small}