PROFILPELAJAR.COM

„სუინი ტოდი: დემონი-დალაქი ფლიტ-სტრიტიდან“
რეჟისორი	ტიმ ბარტონი
პროდიუსერი	რიჩარდ დ. ზანუკი; ჯონ ლოგანი; უოლტერ ფ. პარკსი; ლორი მაკდონალდი
სცენარის ავტორი	ჯონ ლოგანი
როლებში	ჯონი დეპი; ჰელენა ბონემ კარტერი; ალან რიკმანი; ტიმოთი სპოლი; ჯეინ ვაისნერი; საშა ბარონ კოენი
კომპოზიტორი	სტეფან სონდჰაიმი
ოპერატორი	დარიუშ ვოლსკი
მხატვარი	დანტე ფერეტი
სტუდია	Parkes/MacDonald Productions; The Zanuck Company; Neal Street Productions
დისტრიბუტორი	DreamWorks Pictures; (აშშ); Warner Bros. Pictures; (საერთაშორისო)
გამოსვლის თარიღი	3 დეკემბერი, 2007 (ნიუ-იორკი); 21 დეკემბერი, 2007 (აშშ); 25 იანვარი, 2008 (გაერთიანებული სამეფო); ; ;
ხანგრძლივობა	116 წთ.
ენა	ინგლისური
ბიუჯეტი	$50 მილიონი
შემოსავალი	$152 523 164

სუინი ტოდი: დემონი-დალაქი ფლიტ-სტრიტიდან (ინგლ. Sweeney Todd: The Demon Barber of Fleet Street)— 2007 წლის საშინელებათა მიუზიკლი, გადაღებული ტიმ ბარტონის მიერ. დაფუძნებულია სტეფან სონდჰაიმისა და ჰიუ ვილერის 1979 წლის ტონის ჯილდოს ლაურეატ მიუზიკლზე „სუინი ტოდი: დემონი-დალაქი ფლიტ-სტრიტიდან“. აღწერილია გამოგონილი XIX საუკუნეში მცხოვრები ინგლისელი დალაქისა და სერიული მკვლელის, სუინი ტოდის, ისტორია.

სიუჟეტი

ყურადღება! ქვემოთ მოყვანილია სიუჟეტის და/ან დასასრულის დეტალები.

ახალგაზრდა და ნიჭიერი დალაქი ბენჯამენ ბარკერი ლონდონში ცხოვრობდა მშვენიერ მეუღლე ლუსისთან და ერთადერთ ქალიშვილთან ერთად. ბოროტმა მოსამართლე ტურპინმა ბენჯამინ ბარკერს სამუდამო კატორღა მიუსაჯა, რათა მის ცოლს დაჰპატრონებოდა. 15 წლის შემდეგ ბარკერი კატორღიდან გაიქცა და ლონდონში სუინი ტოდის სახელით დასახლდა. მანსახლში ვერც ცოლი ნახა და ვერც ქალიშვილი. ქვედა სართულის მეზობელმა, მისის ლოვეტმა, რომელიც პატარა საცხობს ფლობდა, მოუყვა მას მომხდარის შესახებ. ტოდმა გადაწყვიტა შური ეძია მოსამართლეზე.

როლებში

ჯონი დეპი - სუინი ტოდი
ჰელენა ბონემ კარტერი - მისის ნელი ლოვეტი
ალან რიკმანი - მოსამართლე ტურპინი
ტიმოთი სპოლი - ბედლ ბემფორდი
ჯეინ ვაისნერი - ჯოანა ბარკერი
საშა ბარონ კოენი - ადოლფო პირელი
ჯეიმი კემპბელ ბოუენი - ენტონი ჰოუპი
ლორა მიშელ კელი - ლუსი ბარკერი
ედ სანდერსი - ტობი რაგი

გადაღება

მისის ლოვეტის როლზე განიხილებოდნენ ანეტ ბენინგი და ტონი კოლეტი, ხოლო სუინი ტოდისაზე კი — რასელ კროუ, ასევე რეჟისორად თავდაპირველად სემ მენდესი მოიაზრებოდა. საბოლოოდ სტუდია „Paramount“-მა გადაღება ტიმ ბარტონს მიანდო, რის გამოც გადადო ფილმ „Ripley’s Believe Or Not“ გადაღება. მსახიობებმა წინასწარი გასაუბრება გაიარეს მიუზიკლის ავტორ სტივენ სონდჰაიმთან. ფილმში კრისტოფერ ლიც მონაწილეობdა, მაგრამ მისი სცენები მოგვიანებით ამოიჭრა. გადაღებები მიმდინარეობდა ინგლისში, სტუდია „Pinewood-ში“ 2007 წლის 5 თებერვლიდან 14 ივნისამდე. ფილმის სარეკლამო ტრეილერებში არ იყო დაკონკრეტებული, რომ ფილმი მუსიკალური იყო. მხოლოდ პრემიერამდე ერთი კვირით ადრე გამოშვებულ ტრეილერში ჩანდა, რომ ჯონი დეპის გმირი მღეროდა.