ჰეილი დაიბადა ბამბერგში, სამხრეთ კაროლინაში და მიიღო ბუღალტერიის ხარისხი კლემსონის უნივერსიტეტში. ჰეილის ოჯახი ფლობდა ტანსაცმლის ბიზნესს, სადაც ის ბუღალტერად მუშაობდა. შემდგომში იგი ქალთა ბიზნესის მფლობელთა ეროვნული ასოციაციის პრეზიდენტად აირჩიეს. ჰეილის პოლიტიკური კარიერა დაიწყო სამხრეთ კაროლინას წარმომადგენელთა პალატაში 2004 წელს არჩევით, სადაც ის სამი ვადით მსახურობდა. 2010 წელს, მისი მესამე ვადის განმავლობაში, იგი აირჩიეს სამხრეთ კაროლინას გუბერნატორად და 2014 წელს არჩევნებში მეორედ გაიმარჯვა .
ჰეილი იყო სამხრეთ კაროლინას პირველი ქალი გუბერნატორი, აშშ-ის ყველაზე ახალგაზრდა გუბერნატორი და ინდური წარმოშობის მეორე გუბერნატორი (ლუიზიანის რესპუბლიკელი გუბერნატორის, ბობი ჯინდალის, შემდეგ).
ჰეილი იყო შეერთებული შტატების ელჩი გაეროში 2017 წლის იანვრიდან 2018 წლის დეკემბრამდე.
2017-2018 წლებში ჩრდილოეთ კორეის კრიზისის ფონზე ჰეილიმ დაადასტურა შეერთებული შტატების მზადყოფნა გამოიყენოს სამხედრო ძალა ჩრდილოეთ კორეის შემდგომი სარაკეტო გამოცდების საპასუხოდ. იგი იცავდა აშშ-ის ინტერესებს, განსაკუთრებით აშშ-ის მხარდაჭერას ისრაელისადმი უშიშროების საბჭოში, [4] და ხელმძღვანელობდა აშშ-ის გასვლას გაეროს ადამიანის უფლებათა საბჭოდან. მან საკუთარი ნებით დატოვა ელჩის თანამდებობა 2018 წლის 31 დეკემბერს [5]
ჰეილი არის 2024 წლის რესპუბლიკური პარტიის საპრეზიდენტო პრაიმერის კანდიდატი შეერთებული შტატების პრეზიდენტის პოსტზე 2024 წლის საპრეზიდენტო არჩევნებში . მან თავისი კამპანია 2023 წლის თებერვალში დაიწყო. [6]
