ნარბონის წისქვილი
Minoterie Narbonne
ალტერნატიული სახელები	ჰუსეინ-დეის წისქვილი
ზოგადი ინფორმაცია
შენობის ტიპი	მარცვალსაფქვავი წისქვილი
არქიტექტურული სტილი	მავრიტანული
ქვეყანა	ალჟირი
მდებარეობა	ჰუსეინ-დეი, ალჟირის პროვინცია
მისამართი	ტრიპოლის ქუჩა 64
კოორდინატები	36°44′40″ ჩ. გ. 3°05′41″ ა. გ. / 36.7444921694° ჩ. გ. 3.0949823500° ა. გ. / 36.7444921694; 3.0949823500
მფლობელი	ჰუსეინ-დეის მუნიციპალიტეტი
დაიწყო	1864
დასრულდა	1864

ნარბონის წისქვილი (ფრანგ. Minoterie Narbonne) — მარცვალსაფქვავი წისქვილი ალჟირში. მდებარეობს ალჟირის პროვინციის ჰუსეინ-დეის მუნიციპალიტეტში, ტრიპოლის ქუჩაზე. საწარმო 1864 წელს ლუი გონზაგ ნარბონმა დააარსა.

წისქვილის პირველი ნაგებობა ლუი გონზაგ ნარბონმა (1828-1893) 1862 წელს ააშენა^[1]. საწარმო აღჭურვილი იყო რვა აგრეგატით და დღეში 350-400 ცენტნერი ხორბლის გადამუშავება შეეძლო^[2].

1941 წლის ივნისში სამანქანო დარბაზში ხანძარი გაჩნდა, რომელმაც საერთო ჯამში 300 000 ფრანკის ღირებულების ტექნიკა დააზიანა და გაანადგურა^[3].

1945 წლამდე წისქვილის მშენებლობა რამდენიმე ეტაპად მიმდინარეობდა. ალჟირის ომის შემდეგ წისქვილის ნაციონალიზაცია განხორციელდა. მალევე ის სოფლის მეურნეობის რამდენიმე დარგის საწარმოდ გადაკეთდა. 2021 წელს შენობა ჰუსეინ-დეის სახალხო მუნიციპალურ ასამბლეას გადაეცა^[4].

2010 წლის ივნისში განსახლების და ქალაქმშენებლობის სამინისტროს ექსპერტთა ჯგუფმა განაცხადა, რომ შენობის დემონტაჟი უნდა განხორციელებულიყო^[4]. გადაწყვეტილების აღსრულება 2013 წელს ალჟირის ტრამვაის სისტემის შექმნის გამო გადაიდო^[4].

2021 წელს შენობის ნგრევა განახლდა. ორგანიზაცია „Inventaire citoyen du patrimoine“-მ შენობის შესანარჩუნებლად კამპანია წამოიწყო^[4].