მჭიშთა
სხვა სახელი	შავწყალა, მუწის წყალი
ქვეყანა	საქართველო
ტერიტორიული ერთეულები	გუდაუთის მუნიციპალიტეტი (აფხაზეთის ავტონომიური რესპუბლიკა)
სათავე	ბზიფის ქედი 43°17′54″ ჩ. გ. 40°30′39″ ა. გ. / 43.298417° ჩ. გ. 40.510833° ა. გ. / 43.298417; 40.510833
სათავის სიმაღლე	200 მ
შესართავი	შავი ზღვა 43°07′55″ ჩ. გ. 40°32′03″ ა. გ. / 43.132083° ჩ. გ. 40.534333° ა. გ. / 43.132083; 40.534333
შესართავის სიმაღლე	0 მ
სიგრძე	16 კმ
აუზის ფართობი	169 კმ²
წყლის ხარჯი (საშ.)	7,71 მ³/წმ
— სათავე, — შესართავი

მჭიშთა, შავწყალა — კარსტული მდინარე საქართველოში, აფხაზეთის ავტონომიური რესპუბლიკის გუდაუთის მუნიციპალიტეტში. სიგრძე 16 კმ, აუზის ფართობი 169 კმ². სათავე აქვს ბზიფის ქედის სამხრეთ კალთაზე, ზღვის დონიდან 200 მ-ზე. ერთვის შავ ზღვას სოფელ მუგუძირხვასთან. საზრდოობს წვიმის, თოვლისა და მიწისქვეშა წყლებით. წყალდიდობა იცის გაზაფხულზე, წყალმცირობა — ზაფხულსა და ზამთარში, წყალმოვარდნები — შემოდგომაზე. საშუალო წლიური ხარჯი 7,71 მ³/წმ. იყენებენ შავწყლის საკალმახე მეურნეობის ტბორებისთვის.

შუა საუკუნეებში მას „მუწის წყალი“ ანუ მიწის წყალი ეწოდებოდა, რადგან დიდ მანძილზე მიწის ქვეშ მოედინება. მისი აფხაზური სახელწოდება – მჭიშთა და რუსული – ჩორნაია-რეჩკა (რუს. Чёрная речка) – შავწყალას ირიბ თარგმანს წარმოადგენს.^[1]

• აფხაზავა ი., ქართული საბჭოთა ენციკლოპედია, ტ. 7, თბ., 1984. — გვ. 269.