გაითვალისწინეთ: ეს არის სტატია ადამიანზე, რომლის სახელი და გვარი დაკავშირებულია კორეასთან. კორეაში არსებული ტრადიციის შესაბამისად, პირველ ადგილზე იწერება გვარი, ხოლო შემდეგ — სახელი. გაითვალისწინეთ, რომ ამ ადამიანის გვარი არის კიმ, ხოლო სახელი — ჰიე-იუნ.

კიმ ჰიე იუნი
დაბადების თარიღი	10 ნოემბერი, 1996 (1996-11-10) (28 წლის) სონნამი, გიონგის პროვინცია, სამხრეთ კორეა
ეროვნება	სამხრეთ კორეელი
ალმა-მატერი	კონკუკის უნივერსიტეტი
საქმიანობა	მსახიობი
აქტიური	2013-დღევანდელი
საიტი	ოფიციალური ვებსაიტი
ხელმოწერა

კიმ ჰიე-იუნი (კორ. 김혜윤; დ.10 ნოემბერი, 1996) — სამხ. კორეელი მსახიობი, რომელმაც ცნობადობა მოიპოვა კანგ იე-სეოს როლით JTBC-ის სატელევიზიო შოუში "Sky Castle" (2018–2019). მინიჭებული აქვს მრავალი მნიშვნელოვანი ჯილდო, მათ შორის Baeksang Arts Awards, Blue Dragon Film Awards და Grand Bell Awards.

კიმ ჰიე-იუნი დაიბადა 1996 წლის 10 ნოემბერს სონნამში, გიონგის პროვინციაში, სამხ. კორეაში.^[1] ის მსახიობობაზე მესამე კლასიდან ოცნებობდა, ამიტომაც დიდ დროს უთმობდა სამსახიობო აკადემიაში სიარულს, გასაუბრებებზე სიარულსა და პატარა როლების თამაშს იმისათვის, რომ სფერო გაეცნო და მომზადებულიყო მომავალი კარიერისათვის.^[2] 2015 წელს ჩაირიცხა კონკუკის უნივერსიტეტში და სწავლა დაიწყო მაღალი აკადემიური მოსწრებისთვის მიღებული სრული დაფინანსებით სამსახიობო კარიერის პარალელურად. 2019 წელს დაამთავრა კინომცოდნეობის ფაკულტეტი .^[3][4]

კიმ ჰიე იუნის სადებიუტო სამსახიობო შესრულება იყო KBS2-ის 2013 წლის სატელევიზიო ნოველა "Samsaengi"-ში, სადაც ითამაშა მეორეხარისხოვანი პერსონაჟის მოზარდი ვერსია. 2014 წლის OCN-ის კრიმინალურ თრილერ "ცუდ ბიჭებში" მონაწილეობისთვის მიღებული აღიარების შემდეგ, ჰიე იუნმა არჩია ძირითადი დროის დათმობა განათლებისთვის და მხოლოდ პატარა როლებს თანხმდებოდა მაღალი აკადემიური მოსწრებისა და საუნივერსიტეტო დაფინანსების შესანარჩუნებლად. ამ პერიოდში მისი ყველაზე დიდი როლი იყო მეორეხარისხოვანი პერსონაჟი 2017 წლის მისტიკურ თრილერ ფილმში "მკვლელის მემუარი".

უნივერსიტეტის დასრულების მოახლოებასთან ერთად კიმ ჰიე იუნმა დაიწყო ქასთინგებში მონაწილეობა უფრო დიდი როლების მოსაპოვებლად. 200 აპლიკანტიდან სწორედ ის შეარჩიეს და წარმატებით დამტკიცდა კან იე სეოს როლზე JTBC-ის სატირულ დრამაში “ზეციური სასახლე”.^[5] სატელევიზიო დრამის წარმატებამ გავლენა იქონია მის პოპულარობაზეც - მან მოიგო საუკეთესო ახალი მსახიობი ქალის ჯილდო 55-ე Baeksang Arts Awards-ზე.^[6]

2019 წელს ვებტუნ “შემთხვევით ნაპოვნი ივლისი” დაფუძნებულ MBC-ის სასკოლო და ფანტასტიკის ჟანრის სატელევიზიო დრამაში “შემთხვევით ნაპოვნი ჰარუ” ითამაშა პროტაგონისტის როლი პირველად. ამ როლმა მისი პოპულარობა კიდევ უფრო გაზარდა, რაც გამოიხატა MBC Drama Awards-ზე ახალი და საუკეთესო მსახიობი ქალის ჯილდოები. .^[7][8] იმავე წელს მიიღო ერთ-ერთი მთავარი როლი ფსიქოლოგიურ თრილერ ფილმში “შუაღამე”.^[9]

2022 წელს გამოვიდა ფილმი “გოგონა ბულდოზერზე”, სადაც კიმის შესრულებამ კო ჰიე იონგის როლში კრიტიკოსების სიმპათია მოიპოვა და მას მოაგებინა მრავალი პრესტიჟული ჯილდო, როგორიცაა Blue Dragon Film Awards და Grand Bell Awards დაჯილდოებების საუკეთესო ახალი მსახიობი ქალის ჯილდო, ისევე როგორც ამომავალი ვარსკვლავის აზიის ჯილდო ნიუ იორკის აზიური ფილმის ფესტივალზე. ^[10] აღსანიშნავია, რომ ჰიე იუნი ასევე იყო ნომინირებული საუკეთესო ახალი მსახიობი ქალის კატეგორიაში 59th Baeksang Arts Awards-ზე.^[11] ფილმის წარმატებასთან ერთად, მსახიობმა მოიხვეჭა 10 ნომინაცია, რომელთაგანაც 6 მოიგო. მისი მიღწევები აღიარა ფორბსმა და შეიყვანა კიმ ჰიე იუნი ფორბსის 30 under 30 სიაში.^[12]

1. ↑ Kim Na-young. (December 28, 2019) ko:김혜윤 "나만의 시크릿? 뱃살..이제 운동할 거에요"[MK★사소한인터뷰] ko. ციტირების თარიღი: December 28, 2019
2. ↑ Park, Eui-ryeong (July 28, 2023). „ko:우리는 27살, 바자 친구 김혜윤“ [We are 27 years old, Bazaar friend Kim Hye-yoon]. Harper's Bazaar]] (კორეული). დაარქივებულია ორიგინალიდან — October 1, 2023. ციტირების თარიღი: August 25, 2023 – წარმოდგენილია Naver-ის მიერ.
3. ↑ Oh, Soo-jung. (February 22, 2019) ko:"학사모 여신" 김혜윤, 건국대학교 졸업 ko. ციტირების თარიღი: August 25, 2023
4. ↑ Kim, Ha-yeon. (March 4, 2019) ko:'영화예술과 15학번' 김혜윤, 건국대 졸업식 비하인드컷 공개 ko. ციტირების თარიღი: August 25, 2023
5. ↑ Kwon Hye-rim. (December 5, 2018) SKY 캐슬', 2세들의 연기 활약...200:1 오디션 뚫은 실력파 신예들. ციტირების თარიღი: June 30, 2024
6. ↑ Jang Kyung-ho. ko: 'SKY 캐슬' 김혜윤 "예서 응원하는 반응, 전혀 예상 못해"[EN:인터뷰] ko. Newsen (December 17, 2018). ციტირების თარიღი: January 20, 2019
7. ↑ Kim So-yeon. (June 10, 2019) ko:김혜윤·SF9 로운·이재욱, '어쩌다 발견한 하루' 출연확정...9월 첫방(공식입장) ko. ციტირების თარიღი: June 10, 2019
8. ↑ Kwak Hyeon-soo. (December 30, 2019) ko:[2019 MBC 연기대상 김혜윤 2관왕...신인상→우수상 파죽지세] ko. The Dong-A Ilbo. ციტირების თარიღი: December 30, 2019
9. ↑ Jang Ah-reum (September 3, 2019). „ko:[단독] 'SKY캐슬' 김혜윤, 영화 '미드나이트' 합류...'대세 행보'“ [[Exclusive] 'SKY Castle' Kim Hye-yoon joins the movie 'Midnight'... 'Top trend']. News 1 (კორეული). დაარქივებულია ორიგინალიდან — December 4, 2022. ციტირების თარიღი: July 1, 2021.
10. ↑ Yeon, Hwi-seon. (December 15, 2022) ko:김혜윤, '불도저에 탄 소녀'로 신인상만 4관왕 "커리어 전환점 맞았다" ko.
11. ↑ Yoo, Jung-min. (April 27, 2023) ko:'불도저에 탄 소녀' 백상예술대상 신인감독상·女 신인배우상 동반 후보 ko.
12. ↑ Kim Ha-young. (May 22, 2023) ko:김혜윤, 美 포브스 선정 '亞 영향력 있는 30세 이하' 등재 ko.