ქალაქი
კარტახენა Cartagena
კარტახენას პანორამა
დროშა გერბი
ქვეყანა	ესპანეთი
ავტონომიური რეგიონი	მურსიამურსია (რეგიონი)| მურსია
პროვინცია	მურსია
კოორდინატები	37°36′00″ ჩ. გ. 0°59′00″ დ. გ. / 37.60000° ჩ. გ. 0.98333° დ. გ. / 37.60000; -0.98333
ალკალდი	პილარ ბარეირო ალვარესი
დაარსდა	ძვ. წ. 227
ფართობი	558,3 კმ²
ცენტრის სიმაღლე	10 მ
მოსახლეობა	216,655 კაცი (2012)
სიმჭიდროვე	390 კაცი/კმ²
აგლომერაცია	409,586
სასაათო სარტყელი	UTC+1, ზაფხულში UTC+2
სატელეფონო კოდი	968
საფოსტო ინდექსი	302xx და 303xx
საავტომობილო კოდი	MU
ოფიციალური საიტი	cartagena.es
კარტახენა ვიკისაწყობში

კარტახენა (ესპ. Cartagena) — ქალაქი ესპანეთში, მურსიის ავტონომიურ რგიონში. სახელწოდება მომდინარეობს კართაგენისაგან.

კარტახენა დააარსა კართაგენელმა სარდალმა ჰასდრუბალმა ძვ. წ. 227 წელს და უწოდა "ქართ ჰადაშტი" – კართაგენის კოლონია.^[1] ქალაქს აყვავების ხანა რომის იმპერიის მართველობის დროს ჰქონდა, რომლებიც მას Carthago Nova–ს უწოდებდნენ და ის რომაული პროვინცია კარფაგენიკას დედაქალაქი იყო. კარტახენა ასევე მნიშვნელოვან ქალაქს წარმოადგენდა ომაიანთა სახალიფოს მიერ (რომლებიც მას ქართაიანატ ალ–ხალიფას უწოდებდნენ) ესპანეთის დაპყრობის დროს.

XVI საუკუნიდან ის წარმოადგენს ესპანეთის მნიშვნელოვან საზღვაო პორტს. XVIII საუკუნეში ესპანეთის მმართველობაში ბურბონების მოსვლის შემდეგ კარტახენა გახდა ესპანეთის ფლოტის ხმელთაშუა ზღვის დეპარტამენტი და დღემდე რჩება მნიშვნელოვან საზღვაო პორტად.

მდიდარი ისტორიული წარსულის გამო ქალაქში მრავლადააა შემორჩენილი როგორც ფინიკიური, რომაული, ბიზანტიური, მავრიტანული არქიტექტურის ასევე XX საუკუნის არტ-ნუვოს ნიმუშები.

მის სახელს ატარებს ქალაქი კარტახენა კოლუმბიაში.

კარტახენა დააარსეს კართაგენელებმა, რომაელები მას უწოდებდნენ ახალ კართაგენს.

კარტახენას აქვს თბილი, ნახევრად მშრალი ჰავა. მისი საშუალო წლიური ტემპერატურა არის დაახლოებით 20 °C. ყველაზე ცივი თვეა იანვარი, საშუალოდ 12 °C – გრადუსით, ხოლო ყველაზე ცხელი თვე აგვისტო 26 °C–ით. რეგიონში ქარი წარმოადგენს მნიშვნელოვან კლიმატურ ფაქტორს.^[2]

კარტახენას დემოგრაფიული სურათი 1842–წლიდან.