ირლანდიის შეიარაღებული ძალები
ირლანდიის შეიარაღებული ძალები Óglaigh na hÉireann
დაარსების თარიღი	1924 წლის 1 ოქტომბერი
შეიარაღებული ძალების დაქვემდებარებაშია	არმია სამხედრო-საზღვაო ძალები სამხედრო-საჰაერო ძალები არმიის რეზერვი სამხედრო-საზღვაო ძალების რეზერვი
შტაბი	დრიჰად-ნუა, ირლანდია
შემადგენლობა
სამხედრო ასაკი	17-24 წელი
რაოდენობა	სამხედრო სამსახურში - 10 500 რეზერვში - 12 348,
ხელმძღვანელობა
მთავარსარდალი	მაიკლ ჰიგინსი (ირლანდიის პრეზიდენტი)
მინისტრი	ალან შეტერი
მინისტრის წოდება	ირლანდიის თავდაცვის მინისტრი
შტაბის მეთაური	გენერალ-ლეიტენანტი შონ მაკკენი
დანახარჯები
ბიუჯეტი	€1.27 მლრდ ევრო (59-ე ევროპაში 2008 წელს)
მშპ-ის პროცენტი	0.7% (FY00/07)

ირლანდიის შეიარაღებული ძალები (ირლ. Óglaigh na hÉireann) — ირლანდიის რესპუბლიკის აღმასრულებელი ხელისუფლების სამხედრო სტრუქტურა, რომლებიც ექვემდებარება რესპუბლიკის პრეზიდენტს და იმართება თავდაცვის სამინისტროს მიერ. შეიარაღებული ძალების მისიაა შეინარჩუნოს ირლანდიის სუვერენიტეტი, დაიცვას მისი სახმელეთო ტერიტორიები, ტერიტორიულ წყლები, საჰაერო სივრცე და მათი განუყოფელი მთლიანობა. ასევე მისი მოვალეობაა ქვეყანაში კონსტიტუციური წესრიგის დამყარება და საზოგადოებრივი უსაფრთხოების უზრუნველყოფა. მის შემადგენლობაშია არმია, სამხედრო-საზღვაო ძალები და საჰაერო ძალები.

ირლანდიის შეიარაღებული ძალების მთავარსარდალი, ქვეყნის პრეზიდენტია, ხოლო უშუალო ხელმძღვანელობას ახორციელებს ქვეყნის თავდაცვის მინისტრი, თავდაცვის საკონსულტაციო საბჭოსთან ერთად, რომლის შემადგენლობაშიც შედიან: თავდაცვის მინისტრი (თავმჯდომარე), თავდაცვის სამინისტროს გენერალური მდივანი, გენერალური შტაბის უფროსი და მისი ორი მოადგილე.

მთავარი სტატია: ირლანდიის არმია.

ირლანდიის არმიის შემადგენლობაში დაახლოებით 8 500 სამხედრო მოსამსახურე ირიცხება. რეზერვისტთა რაოდენობა 13 00-ს აღწევს. ქვეყანა დაყოფილია სამ ნაწილად, თიოთოეულში ჩამოყალიბებულია ცალკეული ქვეითი ბრიგადა. პირველი (სამხრეთ) ბრიგადა პასუხისმგებელია სანაპირო რაიონებში სამხედრო ოპერაციებზე. მეორე (აღმოსავლეთ) ბრიგადა - მოქმედებს დუბლინსა და ლინსტერში. მესამე (დასავლეთ) ბრიგადა კი - წელს კონაქტსა და მანსტერში.

გარდა ამ ნაწილებისა, არსებობს სასწავლო-საწრვთნელი ბანაკებიც, რომელიც შერწყმულია საშტაბო მმართველობასთან.

მთავარი სტატია: ირლანდიის სამხედრო-საზღვაო ძალები.

ირლანდიის სამხედრო-საზღვაო ძალები შემადგენლობაში დაახლოებით 1150 სამხედრო მოსამსახურე ირიცხება. სამხედრო-საზღვაო-ძალების მისია ქვეყნის ტერიტორიული წყლების დაცვა და სანაპირო წყლების, დაცულ ტერიტორიებში პატრულირება. ასევე მისს ფუნქციაა კონტრაბანდით დატვირთული მცურავი საშუალებების აღმოჩენა და კონტროლი. ირლანდიის სამხედრო-საზღვაო ძალების ხომალდების შეიარაღება განკუთვნილია მხოლოდ პატრულირებისა და ტერიტორიული წყლების დაცვისთვის.

სამხედრო-საზღვაო ძალები შედგება: შტაბისა, ოპერატიული სარდლობისა, სამეთაურო მხარდაჭერისია და სამხედრო-საზღვაო კოლეჯისგან. ოპერატიული სარდლობის დაქვემდებარებაშია საპატრულო ხომალდების ფლოტი, რომელიც შედგება საპატრულო ხომალდების ორი დივიზიისა (თითოეულში ორი ხომალდი) და ვერტმფრენთა ესკადრონისგან.

სამხედრო-საზღვაო ძალები ბაზირებულია კუნძულ ჰოლბოულინზე, კორკის ყურეში.

გარდა ამისა, ირლანდიაში მოქმედებს სანაპირო დაცვის სამსახური, Irish Coast Guard (IRCG, ირლ. Garda Cósta na hÉireann), რომელიც არ შედის ქვეყნის სამხედრო-საზღვაო ძალების შემადგენლობაში.

მთავარი სტატია: ირლანდიის სამხედრო-საჰაერო ძალები.

ირლანდიის სამხედრო-საჰაერო ძალები არ იცავს ქვეყნის საჰაერო სივრცეს, მას მხოლოდ მხარდამჭერი ფუნქცია აქვს. ირლანდიის სამხედრო-საზღვაო ძალები შემადგენლობაში დაახლოებით 939 სამხედრო მოსამსახურე ირიცხება. ირლანდიის სამხედრო-საჰაერო ძალები ფუნქციებია:

• არმიის მხარდაჭერა
• საზღვაო ძალების მხარდაჭერა
• სამოქალაქო ძალების მხარდაჭერა

აგრეთვე:

• სამოქალაქო საზოგადოების მხარდაჭერა
• სამთავრობო ძალების მხარდაჭერა

საჰაერო კორპუსის შემადგენლობაშია ორი „CASA CN-235”, საზღვაო საპატრულო თვითმფრინავი, რომელიც აღჭურვილია აღმოჩენის სისტემით და ეხმარება საზღვაო სამსახურს ირლანდიის ტერიტორიულ წყლებსა და განსაკუთრებული ეკონომიკური ზონაში პატრულირებაში. ის ასევე ეხმარება ირლანდიის ელიტურ რეინჯერთა კორპუსს, HALO სისტემის გამოყენებით პარშუტებით დაშვებაში. გარდა ამისა, ირლანდიის საჰაერო კორპუსის შემადგენლობაშია ექვსი „AgustaWestland AW139” ტიპის სატრანსპორტო ვერტმფრენი, შეიარაღებული ტყვიამფრქვევით. შვიდი Pilatus PC-9 ტიპის ტურბოხრახნიანი თვითმფრინავი, შეიარაღებული სარაკეტო დანადგარითა და ტყვიამფრქვევით. ორი, საერთო დანიშნულების „Eurocopter EC135”.

სარეზერვო ძალები იყოფა პირველსა და მეორე რიგის ძალებად. პირველ რიგის რეზერვი არმიის ყოფილი წევრებისაგან შედგება და მათი სამხედრო მომზადებაც მაღალია. სარეზერვო ძალების მეორე რიგი შედგება არმიის სარეზერვო (Army reserve) და საზღვაო სარეზერვო (Naval Service Reserve) ძალებისაგან.

არმიის სარეზერვო ძალები მოიცავს 9 ბატალიონსა და 18 დანაყოფს, მათ შორის 3 თავდაცვის ბატარეაა. გარდა ამისა, სამივე ზონა მუდმივ მზადყოფნაშია შეიქმნას სარეზერვო ბრიგადების შტაბი.

სამხედრო-საზღვაო სარეზერვო ძალები შედგება ორი ჯგუფისგან: აღმოსავლეთის სარეზერვო ჯგუფის ორი ასეული (დუბლინი და უოტერფორდი) და სამხრეთის სარეზერვო ჯგუფის ორი ასეული (კორკი და ლიმერიკი)

ირლანდიის შეიარაღებული ძალების სამხედრო ბაზებიირლანდიის მთელ ტერიტორიაზეა განლაგებული.

• ირლანდიის შეიარაღებული ძალების ოფიციალური ძალები (ინგლისური)
• ირლანდიის შეიარაღებული ძალები სამხედრო სიმბოლიკა (ინგლისური)
• ორდენები (ინგლისური)

ხ • გ • რ ირლანდიის თემები ისტორია ისტორია პრეისტორიული ირლანდია ნორმანების შემოჭრა ირლანდიის სამეფო დიდი შიმშილობა ომი დამოუკიდებლობისთვის სამოქალაქო ომი გაერთიანების აქტი გეოგრაფია დედაქალაქი ირლანდია (კუნძული) ირლანდიის კუნძულები სასარგებლო წიაღისეული კლიმატი ფლორა ფაუნა ეროვნული პარკები ადმინისტრაციული დაყოფა ქალაქები მოსახლეობა პროვინციები საგრაფოები მდინარეები ტბები დასახლებული პუნქტები აეროპორტები მმართველობა არჩევნები პარლამენტი მთავრობა პრეზიდენტი პოლიტიკური სისტემა შეიარაღებული ძალები საგარეო პოლიტიკა კონსტიტუცია პოლიტიკური პარტიები ეკონომიკა სოფლის მეურნეობა ირლანდიის ბანკი ენერგეტიკა კომპანიები ტელეკომუნიკაციები ტრანსპორტი ვალუტა კულტურა ირლანდიური ენა ირლანდიის ენები რელიგია გერბი დროშა ჰიმნი დემოგრაფია არქიტექტურა კინო სამზარეულო განათლება (უნივერსიტეტები) ინტერნეტი ლიტერატურა (ფოლკლორი) მუსიკა მითოლოგია გაზეთები დღესასწაულები რადიო სპორტი ტელევიზია თეატრი იხ.აგრეთვე: ჩრდილოეთი ირლანდია