თენგიზ ბანძელაძე (დ. 1939, თბილისი — გ. 2018) — ქართველი ინჟინერი და მეცნიერი.

1964 წელს დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი ინჟინერ-ელექტრიკოსის კვალიფიკაციით. 1959-1961 წლებში მუშაობდა თბილისის ხელსაწყოთმშენებლობისა და ავტომატიზაციის საშუალებათა სამეცნიერო-კვლევითი ინსტიტუტიში. 1961-1967 წლებში — ულიანოვსკის მართვის გამოთვლითი მანქანების ქარხანაში რიგითი ინჟინრიდან უფროსი ინჟინრის თანამდებობამდე. 1967-1968 წლებში — თბილისის ხელსაწყოთმშენებლობისა და ავტომატიზაციის საშუალებათა სამეცნიერო-კვლევითი ინსტიტუტიში, ლაბორატორიისა და შემდგომ განყოფილების გამგედ. 1968 წლიდან — ხანგრძლივი მივლინებით იმყოფებოდა ირანის ქალაქ ახავაზში, ატომური ელექტროსადგურის მშენებლობაზე, სადაც თავი გამოიჩინა როგორც სანიმუშო ორგანიზატორმა. ის უშუალოდ მონაწილეობდა ატომური სადგურის ტექნოლოგიური პროცესის მართვის სისტემების გამოთვლითი მანქანების გაწყობა-გამართვის სამუშაოებში. იგი იყო მრავალი გამოგონებისა და რაციონალური წინადადების ავტორი. დაჯილდოებულია სახელმწიფო მედლებითა და სიგელებით.

• თენგიზ ბანძელაძე — საქართველოს ბიოგრაფიული ლექსიკონი

• ცნობილი და უცნობი პოლიტექნიკოსები / დავით გურგენიძე. — თბ., 2020 გვ. 161