ვალერი ალექსანიანი

ვალერი ალექსანიანი
პირადი მონაცემები
სრული
სახელი		 ვალერი ვაზგენი ალექსანიანი
დაბადების
თარიღი		 4 სექტემბერი, 1984 (1984-09-04) (40 წლის)
დაბადების
ადგილი		 ერევანი, სომხეთის სსრ, საბჭოთა კავშირი
სიმაღლე 178 სმ
სათამაშო
პოზიცია		 ცენტრალური/მარჯვენა მცველი
პროფესიონალური კარიერა*
წლები გუნდი მატჩი (გოლი)
2001 - 2007 პიუნიკი 88 (9)
2007 - 2010 განძასარი კაპანი 59 (3)
2010 - 2011 ულისი 36 (4)
2011 - 2013 სანატ ნაფტი 45 (1)
2013 - 2014 რაჰ აჰანი 2 (0)
ეროვნული ნაკრები
2002 - 2006 სომხეთის 21-წლამდელთა 15 (0)
2004 - 2014 სომხეთი 27 (0)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

ვალერი ალექსანიანი (სომხ. Վալերի Ալեքսանյան; დ. 4 სექტემბერი, 1984, ერევანი, საბჭოთა კავშირი) — სომეხი ფეხბურთელი. პოზიციით ცენტრალური/მარჯვენა მცველი.

საკლუბო კარიერა

პიუნიკი

ალექსანიანი დაიბადა ერევანში, სომხეთის სსრ-ში. იგი ფეხბურთში, ოდნავ დაგვიანებით, 12 წლის ასაკში ჩაერთო. თავდაპირველად, მშობლები მისი ფეხბურთისადმი ინტერესის წინააღმდეგები იყვნენ. ისინი პრიორიტეტს სკოლაში სწავლას ანიჭებდნენ. ამიტომ მან ფეხბურთის ვარჯიში საიდუმლოდ დაიწყო. 12 წლის ასაკში იგი შევიდა საფეხბურთო სკოლა პიუნიკ ერევანში. 2000 წელს მან პიუნიკთან მისი პირველი კონტრაქტი გააფორმა, ხოლო 2001 წელს დაიწყო მისი საკლუბო კარიერა კლუბთან: მან პიუნიკთან ერთად სომხეთს საფეხბურთო პრემიერლიგა მოიგო: 2001, 2002, 2003, 2004, 2005 და 2006 წლებში, ხოლო 2002 და 2004 წლებში – სომხეთის თასი. მას ასევე 3-ჯერ აქვს მოგებული სომხეთის სუპერთასი (2001, 2003, 2004). 2002-2004 წლებში იგი პიუნიკის მეორე გუნდშიც თამაშობდა.

განძასარი

2007 წლის ივნისში, პიუნიკსა და განძასარი კაპანს შორის შეთანხმებით, ალექსანიანი განძასარიში გაანათხოვრეს. გაცვლა განძასარის მთავარი მწვრთნელის, სამუელ პეტროსიანის მოთხოვნით მოხდა.[1] 2008 წელს, ალექსანიანთან ერთად, კლუბმა სომხეთის პრემიერლიგაში მე-3 ადგილი დაიკავა. 2009 წლის ნოემბერში ალექსანიანმა კლუბთან კონტრაქტი დაასრულა. არც მოთამაშეს და არც კლუბს არ სურდა კონტრაქტის გახანგრძლივება.

ულისი

ამის შემდეგ მას კონტრაქტი ულისმა შესთავაზა; თავდაპირველად მისმა მენეჯერმა შემოთავაზება უარყო, თუმცა შემდგომ დასთანხმდა.[2] 2010 წლის სომხეთის პრემიერლიგის სეზონის დასრულების შემდეგ, მან კლუბთან კიდევ ერთი კონტრაქტი გააფორმა. 2011 წლის სეზონის ნახევარი მან მაღალ დონეზე ჩაატარა, ამიტომ, მას სომხეთის ნაკრებისგან მოწვევა მოუვიდა.

სანატ ნაფტ აბადანი

ზაფხულის სატრანსფერო ზონის დროს, ულისმა ალექსანიანის გაყიდვის შემოთავაზება მიიღო. კლუბები შეთანხმდნენ და ალექსანიანი ერთწლიანი კონტრაქტით გაემგზავრა აბადანში და შეუერთდა ადგილობრივ კლუბ სანატ ნაფტის.[3]

ვალერი ალექსანიანის სანატ ნაფტისთან კონტრი 2013 წელს დასრულდა და ამის შემდგომ იგი თავისუფალი აგენტი გახდა.

პირადი ცხოვრება

ვალერი ალექსანიანი დაოჯახებულია; მეუღლეს სირანუში ჰქვია. მათ ჰყავთ ერთი ვაჟი, არტემი (დაბადებული 2009 წელს). ალექსანიანს თავისუფალ დროს უყვარს თევზაობა.

რესურსები ინტერნეტში

სქოლიო

  1. ↑ "ГАНДЗАСАР" УСИЛИВАЕТСЯ ЗА СЧЕТ КОМАНДЫ "ПЮНИК" (in Russian). a1plus.am. Retrieved 22 March 2013.
  2. ↑ Archived copy ru. armsport.am. ციტირების თარიღი: 22 March 2013.
  3. ↑ Севада Арзуманян: Валерий Алексанян перешёл в Иран (in Russian). armsport.am. Archived from the original on 27 April 2012. Retrieved 22 March 2013.