აბუ-დაბის გრან-პრი

იას მარინა
რბოლის ინფორმაცია
წრე	55
ტრასის სიგრძე	5.554 კმ
სარბოლო სიგრძე	305.470 კმ
რბოლების რაოდენობა	1
პირველი რბოლა	2009
ყველაზე მეტი გამარჯვება (მრბოლელები)	სებასტიან ფეტელი (1)
ყველაზე მეტი გამარჯვება (კონსტრუქტორები)	Red Bull (1)
ბოლო რბოლა (2009):
პოულ პოზიცია	ლუის ჰამილტონი McLaren-Mercedes 1:40.948
კვარცხლბეკი	1. სებასტიან ფეტელი Red Bull-Renault 1:34:03.414 2. მარკ უებერი Red Bull-Renault + 17.857 3. ჯენსონ ბატონი Brawn GP-Mercedes + 18.467
უსწრაფესი წრე	სებასტიან ფეტელი Red Bull-Renault 1:40.279

აბუ-დაბის გრან-პრი — ფორმულა ერთის გრან-პრი, რომელიც 2009 წლიდან იმართება არაბთა გაერთიანებულ საამიროებში. მისი წარდგენა მოხდა 2007 წელს აბუ-დაბიში გამართულ ფორმულა ერთის ფესტივალზე. პირველი რბოლა გაიმართა 2009 წლის 1 ნოემბერს კუნძულ იასზე.^[1]

2008 წლის 25 ივნისს ფია-მ წარადგინა 2009 წლის ფორმულის კალენდარი, სადაც ჩართული იყო აბუ-დაბის გრან-პრიც, როგორც მე-19 ფინალური გრან-პრი. მაგრამ 2008 წლის 5 ნოემბერს გამოცხადდა, რომ რბოლა გაიმართებოდა წინასწარ გამოცხადებულ თარიღზე ორი კვირით ადრე 1 ნოემბერს და ის რიგით მე-17 ფინალური გრან-პრი იქნებოდა.^[2]

ეს ტრასა არის ფორმულა ერთის პირველი სადღეღამისო ტრასა, რომელზეც რბოლები იწყება ადგილობრივი დროით 17:00 სთ-ზე. ტრასაზე განათება ირთვება ჯერ კიდევ დღის სინათლეზე რათა შეუმჩნევლად მოხდეს დღის შუქიდან ღამის შუქზე გადასვლა.^[3]

მთავარი სტატია: იას მარინა.

იას მარინას ტრასა მდებარეობს აბუ-დაბის აღმოსავლეთ სანაპიროსთან 25.5 კმ² ფართობის მქონე კუნძულ იასზე. 2009 წელს აქ გაიმართა აბუ-დაბის გრან-პრი 2009, რომელიც პირველი მნიშვნელოვანი ღონისძიება იყო.^[4]

Etihad Airways არის 2009 წლის აბუ-დაბის გრან-პრის მოქმედი სპონსორი.

წელი	მრბოლელი	კონსტრუქტორი	მდებარეობა	ბმული
2009	სებასტიან ფეტელი	Red Bull-Renault	იას მარინა	ბმული
2010	სებასტიან ფეტელი	Red Bull-Renault	იას მარინა	ბმული

ვიკისაწყობში არის გვერდი თემაზე:

აბუ-დაბის გრან-პრი

• Formula 1 Etihad Airways Abu Dhabi Grand Prix
• Abu Dhabi Grand Prix pole position to Lewis Hamilton დაარქივებული 2017-12-06 საიტზე Wayback Machine.