„In Another Land“
სინგლი — როლინგ სტოუნზი
ალბომიდან Their Satanic Majesties Request
B-მხარე	„The Lantern“
გამოსვლის თარიღი	2 დეკემბერი 1967
ჩაიწერა	13 ივლისი 1967
ჟანრი	ფსიქოდელიური როკი, ეისიდ-როკი, ბაროკო-პოპი
ხანგრძლივობა	2:48
ხმისჩამწერი ლეიბლი	London 45.907
ავტორ(ებ)ი	ბილ უაიმენი
პროდიუსერი	როლინგ სტოუნზი
როლინგ სტოუნზი — სინგლების ქრონოლოგია
„We Love You“ / „Dandelion“ (1967) „In Another Land“ (1967) „She's a Rainbow“ (1967)

„In Another Land“ — ინგლისური როკ-ჯგუფ როლინგ სტოუნზის სიმღერა. იგი სინგლის სახით 1967 წელს გამოიცა. შეტანილია ალბომში Their Satanic Majesties Request.

დაწერილი ბასისტ ბილ უაიმენის მიერ, ეს არის ჯგუფის ერთადერთი სიმღერა, რომელშიც იგი წამყვან ვოკალს ასრულებს და ერთ-ერთი სამიდან, რომლების ავტორი თავად არის.

სიმღერა ჩაიწერა ერთ-ერთ საღამოს, როდესაც უაიმენი სტუდიაში მოვიდა და აღმოაჩინა, რომ ხმისჩამწერი სესია გადადეს. იგი ნაწყენი ჩანდა, მაგრამ წარადგინა ახალი სიმღერა, რომელიც პროდიუსერ გლინ ჯოუნსის თანაშემწეობით ჩაწერეს^[1]. ტექსტზე საუბრისას, იგი ამბობდა: „იდეა ის არის, რომ ეს მამაკაცი იღვიძებს და სხვა სიზმარში აღმოჩნდება.“^[1] ეს ასე არის აღწერილი:

	„We walked across the sand And the sea and the sky and the castles were blue I stood and held your hand And the spray flew high and the feathers floated by I stood and held your hand“

	„ქვიშაში გავიარეთ და ზღვა და ცა და სასახლეები ლურჯად იქცა ვიდექ, შენი ხელი მეკიდა და მაღლა აფრინდა მტევანი და ჩაიფრინეს ბუმბულებმა ვიდექ, შენი ხელი მეკიდა“

ჯოუნსმა ეს სიმღერა მიკ ჯეგერს მოასმენინა, ხოლო კით რიჩარდსს და ბრაიან ჯოუნსს იგი მოეწონათ და გადაწყვიტეს მომავალ ალბომში შეტანა.^[1]