სახელმწიფოს შიდა წყლებს მიეკუთვნება სახელმწიფოს საზღვრებში მთლიანად მოქცეული ზღვები, ტბები, მდინარეები, აგრეთვე საერთაშორისო ზღვების ის ნაწილი, რომელიც ამ სახელმწიფოს საწყისი ხაზების შიგნით (ხმელეთისკენ) არის განლაგებული.
თავისი იურიდიული სტატუსით შიდა წყლები ფაქტობრივად სახელმწიფოს ტერიტორიაა და მათზე სახელმწიფოს აბსოლუტური იურისდიქცია ვრცელდება. როგორც წესი, უცხო სახელმწიფოს გემებს შიდა წყლებში უნებართვოდ ნავიგაციის უფლება არ აქვთ.
