ყაზახ-თოუზის ეკონომიკური რეგიონი (აზერ. Qazax-Tovuz iqtisadi rayonu) — აზერბაიჯანის 14 ეკონომიკური რეგიონიდან ერთ-ერთი. მოიცავს აღსტაფას, გედაბაის, ყაზახის, შამქორისა და თოუზის ადმინისტრაციულ რეგიონებს.

1991 წლიდან 2021 წლამდე ზემოაღნიშნული ადმინისტრაციული ოლქების ტერიტორია, ქალაქ განჯასა და ნაფთალანთან ერთად, აგრეთვე დაშქესანის, გორანბოის, გოიგოლის, სამუხის ადმინისტრაციულ რეგიონებთან ერთად, განჯა-ყაზახის ეკონომიკური რეგიონის ნაწილი იყო (ახლანდელი განჯა- დაშქესანის ეკონომიკური რეგიონი).

ყაზახ-თოუზის ეკონომიკური რეგიონი შეიქმნა აზერბაიჯანის პრეზიდენტის 2021 წლის 7 ივლისის ბრძანებულებით „აზერბაიჯანის რესპუბლიკაში ეკონომიკური რეგიონების ახალი დაყოფის შესახებ“^[1].