ქორეთის ეკლესიის წარწერა — ძველი ქართული ასომთავრული წარწერა საჩხერის მუნიციპალიტეტის სოფელ ქორეთის ღვთაების ეკლესიიდან. წარწერა სამშენებლო ხასიათისაა. იგი მიკვლეულ იქნა 1958 წელს გ. გაფრინდაშვილის მიერ^[1].

წარწერა ექვსსტრიქონიანია:

1. †. სმ~ბო წო შე დ
2. ა ადიდე მ~რმ დე
3. ოფალი და შვილნი მ
4. ისნი გ~ი და ხურსი ესე ბ
5. ლჰ ... დაიდვა ქრნ~კნ
6. სა სკ–სა

ანუ:

1. †. სამებაო წმიდაო, შეიწყალე დ–
2. ა ადიდე მარიამ დე–
3. ოფალი და შვილნი მ–
4. ისნი: გიორგი და ხურსი. ესე ბ–
5. ლაჰ[ვარი] დაიდვა ქრონიკონ–
6. სა სკ (=220)–სა

ენობრივი თავლსაზრისით საყურადღებოა დეოფალ < დედოფალ დ–ს დისიმილაციური დაკარგვა. ასევე საყურადღებოა ანთროპონიმი ხურსი.

წარწერა თარიღდება 1000 წლით (780+220=1000).

• კორნელი დანელია, ზურაბ სარჯველაძე. ქართული პალეოგრაფია. თბ., 1997