სნუკერის თამაში მიმდინარეობს მაგიდაზე განლაგებულ ბურთებზე კიის დარტყმებით — ორი (ან მეტი) მოთამაშის მიერ, რომლებიც რიგ-რიგობით ახორციელებენ დარტყმებს და ცდილობენ, რაც შეიძლება მეტი ქულა დააგროვონ თამაშის წესების ფარგლებში.

თამაში მიმდინარეობს შემდეგნაირი ზომების მქონე მართხკუთა მაგიდაზე:

• სიგრძე — 11 ფუტი და 8 დიუმი ± ½ დიუმი 3569 მმ ± 13 მმ
• სიგანე — 5 ფუტი 10 დიუმი ± ½ დიუმი 1778 მმ ± 13 მმ
• სიმაღლე — 2 ფუტი 9 ½ დიუმი 851—876 მმ
• სიმაღლე სათამაშო ზედაპირიდან გვერდის ზედა მხარემდე — 39 — 40 მმ

თამაშის კომპლექტი შედგება 15 წითელი, 6 ფერადი და ერთი თეთრი ბურთისგან^[1].

ბურთების „ღირებულება“:

• წითელი — 1 ქულა;
• ყვითელი — 2 ქულა;
• მწვანე — 3 ქულა;
• ყავისფერი — 4 ქულა;
• ლურჯი — 5 ქულა;
• ვარდისფერი — 6 ქულა;
• შავი — 7 ქულა.

თამაში მიმდინარეობს ბილიარდის კიით, რომელიც არ უნდა იყოს 3 ფუტზე მოკლე (914 მმ). ასევე გამოიყენება დამაგრძელებლები და რესტები (ინგლ. rest), რომლებიც რთულად დასარტყამი პოზიციიდან თამაშის საშუალებას იძლევა.

• სნუკერის თამაშის წესები World Snooker-ზე (ინგლისური)