პასტერცე (გერმ. Pasterze) — უდიდესი მყინვარი ავსტრიაში. სიგრძე 9,2 კმ. ვრცელდება ზღვის დონიდან 3463-2100 მ სიმაღლეზე. მდებარეობს აღმოსავლეთ ალპებში, მაღალი ტაუერნის ქედზე, მწვერვალ გროსგლოკნერის კალთებზე. მყინვარი დნობასა და სიგრძის შემცირებას განიცდის. ზაფხულის მაღალი ტემპერატურისა და ზამთრის ატმოსფერული ნალექების დეფიციტის გამო 1856 წელს მყინვარმა დნობა დაიწყო, რომელიც დღემდე გრძელდება.
რესურსები ინტერნეტში
