მიკი რუნი
რუნი 1945 წელს
მშობლიური სახელი	Mickey Rooney
დაბადების სახელი	ჯოზეფ იულ უმცროსი
დაბადების თარიღი	23 სექტემბერი, 1920 ნიუ-იორკი, აშშ
გარდაცვალების თარიღი	6 აპრილი, 2014 (93 წლის) ლოს-ანჯელესი, კალიფორნია, აშშ
დაკრძალულია	ჰოლივუდის სამუდამო განსასვენებელი
სხვა სახელები	მიკი მაგუაირი
მოქალაქეობა	აშშ
საქმიანობა	მსახიობი
აქტიური	1926-2014
მეუღლე(ები)	ავა გარდნერი (1942-43) ბეტი ჯეინ ფილიფსი (1944-49) მართა ვიკერსი (1949-51) ელაინ დევრი(1952-58) ბარბარა ენ თომასონი (1958-66) მარჯ ლეინი (1966-67) კაროლინ ჰოკეტი (1969-75) ჯან ჩემბერლინი (1978-2012)
შვილ(ებ)ი	9 შვილი
მშობლები	მამა: ჯონ იული
საიტი	mickeyrooney.com

მიკი რუნი (ნამდვილი სახელი — ჯოზეფ იულ უმცროსი; დ. 23 სექტემბერი, 1920 — გ. 6 აპრილი, 2014) — ამერიკელი მსახიობი. თითქმის 90-წლიან კარიერაში ის 300-ზე მეტ ფილმში გადაიღეს. იყო მუნჯი კინოს ეპოქის ერთ-ერთი ბოლო ვარსკვლავი.^[1] 1939-დან 1941 წლამდე ერთ-ერთი ყველაზე მაღალანაზღაურებად მსახიობს წარმოადგენდა.^[2] კარიერის მწვერვალზე რუნიმ შეასრულა ენდი ჰარდის როლი 1930–40-იანი წლების 16 ფილმისგან შემდგარ სერიაში, რომელიც განასახიერებდა შეერთებულ შტატებში გაბატონებულ შეხედულებას თავიანთ თავზე.

კარიერის პიკზე 15-დან 25 წლამდე ასაკში ის გადაიღეს 43 ფილმში, იყო Metro-Goldwyn-Mayer-ის ერთ-ერთი ყველაზე წარმატებული მსახიობი. თავისი მრავალმხრივი შემსრულებლურობით გვიან კარიერაში სახასიათო მსახიობი გახდა. ლორენს ოლივიემ ერთხელ თქვა, რომ „რუნი საუკეთესოა, რაც კი ოდესმე ყოფილა“.^[3] კლარენს ბრაუნმა, რომელმაც რუნი გადაიღო მსახიობის ორ ყველაზე ადრეული დრამატულ როლში (ფილმები „ეროვნული ხავერდი“ და „ადამიანურ კომედია“), თქვა, რომ ვისთანაც კი მას ოდესმე უმუშავია, რუნი „ყველაზე ახლოს იყო გენიასთან“.^[4] მსახიობს მიღებული აქვს 1982 წლის ოქროს გლობუსი და ემის ჯილდო სატელევიზიო ფილმ „ბილში“ შესრულებული როლისთვის. ამავე წელს მიენიჭა აკადემიის საპატიო პრემია^[5].