კარენ ლუსილ ჰეილი(ინგლ.Karen lucille Hale; დ. 14 ივნისი, 1989) — ამერიკელი მსახიობი, მომღერალი და სატელევიზიო პიროვნება,[1] რომელიც პირველად გახდა ცნობილი ბექა სომერსის როლით სერიალში Bionic Woman (2007) და როუზ ბეიკერის როლით, სერიალში პრივილიგებული (2008–2009). შემდეგ მან წარმატება მიაღწია არია მონტგომერის როლით, Freeform-ის სერიალში პატარა საყვარელი მატყუარები (2010–2017). მან ასევე ითამაშა სტელა ებოტის როლი ტელესერიალში, ცხოვრების განაჩენი(2018) და ტიტულოვანი პერსონაჟი ტელესერიალში, ქეტი კინი (2020). ჰეილი გადაღებულია ისეთ ფილმებში, როგორიცაა: ჯინსის შარვალი-თილისმა (2008), ქალთა ომი(2009), კონკიას ისტორია: ერთხელ სიმღერაში და კივილი 4 (ორივე 2011), სიმართლე ან გაბედე და ძმაკაცი (ორივე 2018), და ფანტასტიკის კუნძული(2020).
მსახიობობის გარდა ჰეილის მუსიკაშიც უმოღვაწია. 2003 წელს იგი პირველად გახდა ცნობილი, როგორც რეალითი შოუს American Juniors-ის ერთ-ერთი გამარჯვებული.2012 წელს Hollywood Records-თან თანამშრომლობით დაიწყო სოლო სამომღერლო კარიერა. 2014 წელს პირველად გამოსცა სტუდიო ალბომი, სახელწოდებით: Road Between (2014).
ადრეული ცხოვრება
ცნობილი ამერიკელი მსახიობი ლუსი ჰეილი დაიბადა 1989 წლის 14 ივნისს, მემფისში, ტენესის შტატში, ჯული ნაითისა და პრესტონ ჰეილის ოჯახში. [2][3] მას ერთ-ერთი დიდი ბებიის სახელი დაარქვეს. დედა რეგისტრირებული მედდაა. [4] მას ჰყავს უფროსი და, მეგი, [5] ნახევარდა, კირბი, [6] და ნახევარძმა ვესი.[7] . ბავშვობაში ის მსახიობისა და სიმღერის გაკვეთილებს გადიოდა. 2012 წლის აგვისტოში ჰეილს კვებითი დარღვევა აღმოაჩნდა. [8]
სამსახიობო კარიერა
2003 წელს ჰეილი პირველად გამოჩნდა ტელევიზიაში, როგორც Fox- ის რეალითი შოუს American Juniors- ის კონკურსანტი. 2003 წლის 30 ივლისს, ჰეილი მეოთხე ადგილზე გავიდა და ამავე სახელწოდების ჯგუფის შემადგენლობაში შედიოდა ტოპ 5 ფინალისტთან ერთად, ჯგუფი დაიშალა 2005 წელს, მას შემდეგ რაც, მათმა ალბომმა წარმატება ვერ მოიპოვა.[9]
ჰეილი 15 წლის ასაკში გადავიდა ლოს-ანჯელესში, იმ იმედით, რომ მიიღებდა სამსახიობო გარიგებას. [10][11] ცოტა ხნის შემდეგ მან მიიღო უმნიშვნელო როლი, ფილმში დრეიკი & ჯოში[12] . სტუმრების როლები ჰქონდა ისეთ შოუებში, როგორიცაა Ned's Declassified School Survival Guide, OC და როგორ შევხვდი დედათქვენს . ამ პერიოდში გამოჩნდა დისნეის არხის შოუს, Wizards of Waverly Place- ის ორ ეპიზოდში. 2007 წელს ჰეილი გამოჩნდა NBC-ს ხანმოკლე სერიალში Bionic Woman. ჰეილი ამ მინისერიალში ასრულებს ბეკა სომერსის, ტიტულოვანი პერსონაჟის ხაიმე სომერსის უმცროსი დის როლს. პერსონაჟს თავდაპირველად მეი უიტმანი ანსახიერებდა დაუმუშავებელ საპილოტე ეპიზოდში, რის შემდეგაც უიტმენმა სერიალი დატოვა. [13]
2008 წლის აგვისტოში ჰეილის დებიუტი შედგა დიდ ეკრანზე, ფილმში ჯინსის შარვალი-თილისმა, რომელშიც მსახიობმა განასახიერა ეფე კალიგარისი, პერსონაჟი ლენა კალიგარისის უმცროს და (ასრულებს ალექსის ბლედელი).[14] შემდეგ ჰეილი გამოჩნდა The CW-ს სერიალში პრივილეგირებული, ამ სერიალში მან ითამაშა როუზ ბეიკერის როლი, მასთან ერთად სერიალში მონაწილეობას იღებდნენ: ეშლი ნიუბროუ და ჯოანა გარსია.[15] მოგვიანებით, მან მონაწილეობა მიიღო ცხოვრებისეულ სატელევიზიო ფილმში ქალთა ომები. [16]2009 წლის ოქტომბერში ჰეილიმ მიიღო არია მონტგომერის როლი ამერიკულ სერიალში, პატარა საყვარელი მატყუარები, სერიალი გადაღებულია სარა შეპარდის ამავე სახელწოდების წიგნის სერიის მიხედვით. [17] სატელევიზიო სერიალმა შვიდი სეზონი გასტანა. გადაღებები მიმდინარეობდა 2010 წლიდან 2017 წლამდე, ჰეილის თამაშმა კრიტიკოსების მოწონება დაიმსახურა, და გარდა ამისა, აღნიშნული როლისთვის, მიიღო მრავალი ჯილდო და ნომინაცია.
2010 წლის იანვარში, მომღერალი ფიბი ნიკოლსის როლი მოირგო, სერიალში დანაშაულის ადგილი:მაიამი-ს ეპიზოდში "Show Stopper". 2011 წელს, ჰეილის ეპიზოდური, შერის როლი ჰქონდა ფილმში, კივილი 4. მოგვიანებით, იგი მსახიობ კეიტი გიბსის როლს ასრულებს კონკიას ამბავი: ერთხელ სიმღერაში.
ჰეილმა უმასპინძლა MTV-ს პანკის, ერთ-ერთ ეპიზოდს, რომელიც 2012 წლის 26 აპრილს გავიდა ეთერში. [18] იმავე წელს ჰეილიმ გაახმოვანა პერსონაჟი, ტინკერ ბელის დის, პერინკალი დისნეის ანიმაციურ ფილმში "ფრთების საიდუმლო" . [19] 2013 წლის 11 ივნისს ჰეილია გამოაცხადა, რომ ის არის სილამაზის ბრენდის Mark Girl- ის ახალი ელჩი. [20] ჰეილი მასპინძლობდა სატელევიზიო ღონისძიებების შოუებს, მათ შორის არის: Teen Choice Awards (დარენ კრისთან ერთად 2013 წელს და დევიდ დობრიკთან ერთად 2019 წელს [21] ) და 2014 წლის MTV Video Music Awards პრე-შოუ სვეი კელოუსთან ერთად.. [22] ჰეილი კორესპონდენტად მუშაობდა ახალ ორლეანში.
2018 წელს ჰეილიამმიიღო მონაწილეობა The CW-ს კომედიურ-დრამატულ სერიალში ცხოვრებისეული განაჩენი, სერიალში მონაწილეობას იღებდა სტელა ებოტის როლით, რომელიც აღმოაჩენს, რომ მისი კიბო განიკურნება. სერიალი გაგრძელდა მხოლოდ ერთ სეზონს. იმავე წელს ლუსიმ ითამაშა სამ ფილმში: სიმართლე ან გაბედე, ძმაკაცი და ერთფეროვანი. 2019 წლის 11 მარტს ჰეილი მთავარ როლს თამაშობდ კეტი კინ ში, როლს ასრულებს Archie Comics-ის ამავე სახელწოდების პერსონაჟის მიხედვით . 2020 წელს მსახიობმა ითამაშა მელანი კოულის როლი ზებუნებრივ საშინელებათა ფილმში ფანტასტიკის კუნძული. ჰეილი გამოჩნდება მომავალ ფილმებში: Borrego და სიძულვილის თამაში, სადაც მასთან ერთად ითამაშებს ოსტინ სტოუელი.
მუსიკა
ჰეილიმ მუსიკა აღწერა, როგორც მისი „პირველი სიყვარული“. მისი ადრეული მუსიკალური გავლენა იყო შანია ტვენი და ფეიტ ჰილი, მაგრამ რამაც გამოიწვია მისი ინტერესი მუსიკალური კარიერის დაწყებაში, იყო ბრიტნი სპირსი. მან ჩაწერა საუნდტრეკი ფილმისთვის, კონკიას ისტორია:ერთხელ სიმღერაში. რამდენჯერმე გამოჩნდა არტისტების, ფოი ვანსის, ჯექსონ ჰარისის მუსიკალურ ვიდეო-რგოლებში.
2012 წლის ივნისში, ჰეილიმ გამოაცხადა, რომ მან ხელი მოაწერა სარეკორდო გარიგებას Hollywood Records– თან. [23] 2014 წლის 18 თებერვალს გამოცხადდა პირველი სტუდიო ალბომის Road Between-ის შესახებ. ალბომი გამოვიდა 2014 წლის 3 ივნისს. [24] 2015 წელს ჰეილიმ ითანამშრომლა Rascal Flatts- თან, შეასრულა Let It Go-ს ქავერი დისნეის ანიმაციური ფილმისთვის, გაყინული.[25] მოგვიანებით, ლუსიმ ჩაწერა ორი სიმღერა "Mistletoe" და "You're Here" საშობაო ალბომში A Hollywood Christmas, რომელიც გამოვიდა 2017 წლის 8 დეკემბერს. [26]
