პფალცის საკურფიურსტო ან (შემოკლებით) კურპფალცი (გერმ. Kurpfalz, ძველ წყაროებში „Churpfalz“ ან „Wahlpfalz“) — 1803 წლამდე საღვთო რომის იმპერიის ფარგლებში არსებული ტერიტორიული წარმონაქმნის სახელწოდება, რომლის დედაქალაქიც თავიდან იყო ჰაიდელბერგი, შემდეგ კი — მანჰაიმი. 1214 წლიდან პფალცს მართავდნენ უფროსი ხაზის ვიტელსბახები.

რაინის პფალცსაგრაფო (გერმ. Pfalzgrafschaft bei Rhein), ასევე რაინის პფალცი (გერმ. Rheinische Pfalzgrafschaft), წარმოიქმნა რაინ-ლოტარინგიის პფალცსაგრაფოსგან და გვიანი შუა საუკუნეებიდან მდებარეობდა ზემო რაინის რეგიონის შუა ნაწილში. ბოჰემიის სამეფოსთან ერთად რაინის პფალცგრაფი საერო კურფიურსტებს შორის ერთ-ერთი ყველაზე უფროსი იყო.

კურპფალცის ქვეშ მოიაზრება არა რომელიმე მკაფიოდ გამოყვეთილი გეოგრაფიული ან ეთნოგრაფიული რეგიონი, არამედ „ნაჭრის საბანი“. ტერიტორიის ბირთვი მდებარეობდა რაინის შუა დინების ორივე მხარეს, ჰურსიუკიდან ჩრდილო-დასავლეთით ქალაქ მოსბახთან ოდენვალდის აღმოსავლეთ ფერდამდე და კრაიხგაუს სამხრეთ ნაწილში, ბრეტენთან, კნიტლინგენსა და მაულბრონის მონასტერთან ახლოს.

კურპფალცში შედიოდა თანამედროვე ბადენ-ვიურტემბერგის, რაინლანდ-პფალცის, ჰესენის, ბავარიის (ზემო პფალცი), ზაარლანდის ფედერალური მიწების ტერიტორიები, ასევე ამჟამად საფრანგეთის კუთვნილი ელზასის რეგიონი.

ვიკისაწყობში არის გვერდი თემაზე:

კურპფალცი

• (გერმანული) Heidelberg and the Palatine დაარქივებული 2005-03-13 საიტზე Wayback Machine. ; elaborate information on history and architecture, illustrated with many pictures.
• (გერმანული) Virtual Library of the History of the Electoral Palatinate
• Charles D. Gunnoe, (2004) "Palatinate" in Europe, 1450 to 1789: Encyclopedia of the Early Modern World