იური აკობია (დ. 20 მაისი, 1937, ანაკლია, საქართველოს სსრ — გ. 4 ნოემბერი, 2014, თბილისი, საქართველო) — ქართველი ინჟინერი და საჭადრაკო კომპოზიტორი, ეტიუდისტი. საერთაშორისო ოსტატი საჭადრაკო კომპოზიციაში, საერთაშორისო არბიტრი საჭადრაკო კომპოზიციაში, იყო საერთაშორისო კონკურსების პრიზიორი: I პრიზი - „ვეჩერნაია ოდესა“ (1983, ვაჟა ნეიძესთან და ა.გრინთან ერთად), II პრიზი - „ოქროს საწმისი“ (1987), III პრიზი - „შახმატნა მისლ“ (1987, დავით გურგენიძესთან ერთად) და სხვ. გამოსცა წიგნები - „შამათი ეტიუდში“ (1990, გია ნადარეიშვილთან ერთად, რუსულ ენაზე). გამოქვეყნებული აქვს 500-მდე საჭადრაკო კომპოზიცია.
.svg){kind=small}
