იარდიმლის რაიონი (აზერ. Yardımlı) — აზერბაიჯანის ერთ-ერთი რაიონი. მისი ადმინისტრაციული ცენტრია ქალაქი იარდიმლი.[1] 2017 წლის აღწერის თანახმად, მოსახლეობა 65 200 ადამიანს შეადგენდა.[2]
გეოგრაფია
რაინონი საზღვებს ადგენს: ირანთან (სამხრეთის და დასავლეთის სახელმწიფო საზღვრის სიგრძე ტოლია 96 კმ-ის) ,ლერიქის რაიონთან ( საზღვრის სიგრძე 40 კმ-ის ტოლია), მასალის რაიონთან (საზღვრის სიგრძე 11 კმ-ის ტოლია) და ჯალილაბადის რაიონთან (საზღვრის სიგრძე 20 კმ-ის ტოლია). იარდიმლი მდებარეობს მთიანეთში, აზერბაიჯანის სამხრეთ-აღმოსავლეთ ნაწილში.[3] მდინარე ვილეში ყველაზე გრძელი მდინარეა რაიონში. მისი სიგრძე უდრის 11 კილომეტრს. რაიონი მოიცავს 66 720 ჰექტარ ტერიტორიას. აქედან ტყე იკავებს20 536 ჰექტარ ფართობს. იარდიმლის სახმელეთო ზონები ძირითადად შედგება ყავისფერ ნიადაგებისგან.
რეგიონში საშუალო წლიური ტემპერატურაა +11,9 გრადუსი ცელსიუსია, საშუალო ნალექი 586 მმ-ს შეადგენს, ქარი საშუალო სიჩქარე წამში 1,6 მეტრია, მიწისქვეშა წყლების სიღრმე 4,5 მეტრია, ხოლო სეისმური ნიშანი 7 ქულა.[4]
დემოგრაფია
სახელმწიფო სტატისტიკის კომიტეტის მონაცემებით, 2019 წლის მდგომარეობით, ქალაქის მოსახლეობა 67 000 ადამიანს შეადგენდა, რაც გაიზარდა 17 000 ადამიანით (დაახლოებით 34 პროცენტით) 2000 წლიდან მოყოლებული. 2000 წელს მოსახლეობის რაოდენობა 50 000 ადამიანს შეადგენდა. [5] მთლიანი მოსახლეობიდან 34 300 მამაკაცია, ხოლო 32 700 კი ქალი.[6] 2018 წელს მოსახლეობის 29,6 პროცენტზე მეტს (დაახლოებით 19 600 ადამიანი) შეადგენენ 14–29 წლების ფარგლებში მყოფი მოზარდები და ახალგაზრდები.[7] მოსახლეობის სიმჭიდროვე 2013 წლისთვის 1 კმ²-ზე 92 – მდე ადამიანს შეადგენდა.
ეკონომიკა
ეკონომიკაში, შემოსავლის უმეტესი წილი მოდის მეცხოველეობა და მოსავლის წარმოებაზე, ვინაიდან იარდიმლის რაიონში უფრო მეტად სასოფლო-სამეურნეო საქმიანობებია გავრცელებული. 2015 წელს რეგიონში აწარმოეს 94 583 000 მანათის ღირებუების მთლიანი პროდუქტი, რაც 8,8% -ით მეტია გასული წლის ანალოგიურ პერიოდთან შედარებით და 10,3-ჯერ მეტი 2003 წელთან შედარებით. ერთ სულ მოსახლეზე წარმოება 2003 წელთან შედარებით გაიზარდა 3,64-ჯერ, წინა წელთან შედარებით 7% -ით და შეადგენდა 1471 მანათს.[8]
გალერეა
იარდიმლის ტერიტორიის უმეტესი ნაწილი მთებითა და ტყით არის დაფარული:
რესურსები ინტერნეტში
სქოლიო